ಐಎಎಸ್‌ ಅಧಿಕಾರಿ ಅರ್ಚನಾ ವರ್ಮಾ ಅವರ ಸ್ಪೂರ್ತಿದಾಯಕ ಕಥೆ

•   Sat, Mar 21 2026 08:16:31 AM



• ಉತ್ತರಪ್ರದೇಶ, ಮಾ. 21 (DaijiworldNews/AK): ಐಎಎಸ್ ಅಧಿಕಾರಿಯಾಗುವುದು ಸುಲಭವಲ್ಲ. ಆ ನಂತರ ಆ ಹುದ್ದೆಯ ಜವಾಬ್ದಾರಿಯನ್ನು ನಿಭಾಯಿಸುವುದು ಇನ್ನೂ ಕಷ್ಟ. ಕೆಲವು ಮಹಿಳಾ ಐಎಎಸ್ ಅಧಿಕಾರಿಗಳು ಮನೆ-ಕುಟುಂಬ ಮತ್ತು ಕಚೇರಿ ಎರಡರ ಜವಾಬ್ದಾರಿಯನ್ನು ಉತ್ತಮವಾಗಿ ನಿರ್ವಹಿಸುತ್ತಿದ್ದಾರೆ. ಅವರಲ್ಲಿ ಐಎಎಸ್‌ ಅಧಿಕಾರಿ ಅರ್ಚನಾ ವರ್ಮಾ ಕೂಡ ಒಬ್ಬರು. ಅವರ ಸ್ಪೂರ್ತಿದಾಯ ಕಥೆ ಇಲ್ಲಿದೆ.

  ಅರ್ಚನಾ ವರ್ಮಾ ಉತ್ತರ ಪ್ರದೇಶದ ಬಸ್ತಿ ನಿವಾಸಿ. ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಪದವಿ ಪಡೆದಿದ್ದಾರೆ. ಅವರು ವಿದ್ಯುತ್ ಸ್ಥಾವರಗಳಲ್ಲಿ ಅನುಭವವನ್ನೂ ಹೊಂದಿದ್ದಾರೆ. ಐಎಎಸ್ ಅರ್ಚನಾ ವರ್ಮಾ ಅವರು ತಮ್ಮ ಗರ್ಭಾವಸ್ಥೆಯಲ್ಲಿಯೂ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದರು. ಜಿಲ್ಲಾಧಿಕಾರಿಯಾಗಿದ್ದರು ರೈತರಿಗೆ ಕೊಯ್ಲು ಮಾಡಲು ಸಹಾಯ ಮಾಡಿದ್ದರು. ಜಿಲ್ಲಾಧಿಕಾರಿಯೇ ಸಹಾಯ ಮಾಡಿದ್ದನ್ನು ಕಂಡು ರೈತರು ಅಚ್ಚರಿ ವ್ಯಕ್ತಪಡಿಸಿದ್ದರು. ನಂತರ ಮಹಿಳಾ ಡಿಸಿ ಬೆಳೆ ಉತ್ಪಾದನೆ, ಹವಾಮಾನದ ಪರಿಣಾಮ, ಬೆಳೆ ಗುಣಮಟ್ಟ ಇತ್ಯಾದಿ ಕುರಿತು ರೈತರಿಂದ ಮಾಹಿತಿ ಪಡೆದರು.

  ಐಎಎಸ್ ಅರ್ಚನಾ ವರ್ಮಾ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರು ಆಗಾಗ್ಗೆ ತಮ್ಮ ಪತಿ, ಮಕ್ಕಳು ಮತ್ತು ಇತರ ಕುಟುಂಬ ಸದಸ್ಯರೊಂದಿಗೆ ಫೋಟೋಗಳನ್ನು ಟ್ವಿಟರ್ ನಲ್ಲಿ ಹಂಚಿಕೊಳ್ಳುತ್ತಾರೆ. ಅರ್ಚನಾ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ತನ್ನ ಬಿಡುವಿಲ್ಲದ ಕೆಲಸದ ಮಧ್ಯೆಯೂ ಮಕ್ಕಳೊಂದಿಗೆ ಸಮಯ ಕಳೆಯುತ್ತಾರೆ.