ಕನ್ನಡ ಆವೃತ್ತಿಯಲ್ಲಿ ಲಭ್ಯವಾಗಲಿದೆ ಮೋದಿಯ ಮ್ಯಾನ್ ವರ್ಸ್‌ಸ್ ವೈಲ್ಡ್'ಕಾರ್ಯಕ್ರಮ

•   Mon, Aug 12 2019 04:47:36 PM



• ನವದೆಹಲಿ,ಆ.12(Daijiworld News/RD): ಕಳೆದ ಹಲವು ದಿನಗಳ ಹಿಂದೆ ಖ್ಯಾತ ಸಾಹಸಿಕ, ನಿರೂಪಕ ಬೇರ್‌ ಗ್ರಿಲ್ಸ್‌ ಉತ್ತರಖಂಡದ ಜಿಮ್ ಕಾರ್ಬೆಟ್ ದಟ್ಟಾರಣ್ಯದಲ್ಲಿ ಚಿತ್ರೀಕರಣಗೊಂಡ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಒಳಗೊಂಡಿರುವ ಡಿಸ್ಕವರಿ ಚಾನೆಲ್ ನ ಸಾಹಸಮಯ ಕಾರ್ಯಕ್ರಮ ಮ್ಯಾನ್ ವರ್ಸಸ್ ವೈಲ್ಡ್ ನ ವಿಶೇಷ ಸಂಚಿಕೆ ಇಂದು ಆಗಸ್ಟ್ 12ರ ಸೋಮವಾರ ರಾತ್ರಿ 9 ಗಂಟೆಗೆ ಡಿಸ್ಕವರಿ ಚಾನೆಲ್ ನಲ್ಲಿ ಪ್ರಸಾರವಾಗಲಿದೆ.

  

  ಈ ಕಾರ್ಯಕ್ರಮ ದೇಶಕ್ಕೆ ವಿಶೇಷವೆಂಬಂತೆ ಪ್ರಧಾನಿ ಮೋದಿ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದರೆ. ಇನ್ನೊಂದೆಡೆ ಈ ಕಾರ್ಯಕ್ರಮ ಪ್ರಪ್ರಥಮ ಬಾರಿಗೆ ಕನ್ನಡದಲ್ಲಿ ಲಭ್ಯವಾಗಲಿದೆ.

  ಡಿಸ್ಕವರಿ ಚಾನೆಲ್ ನ ಈ ಅಧ್ಭುತ ಕಾರ್ಯಕ್ರಮಗಳು ಇಂಗ್ಲೀಷ್ ಹಾಗೂ ಹಿಂದಿ ಭಾಷೆಗಳಲ್ಲಿ ಲಭ್ಯವಾಗುತ್ತಿತ್ತು. ಹೀಗಾಗಿ ಈ ಕಾರ್ಯಕ್ರಮವನ್ನು ಕನ್ನಡಲ್ಲಿ ನೋಡಬಹುದೇ ಎಂದು ಟ್ವೀಟ್ ಮಾಡಿದ ಕಿರಣ್ ಕೊಡ್ಲಾಡಿ, ಇವರ ಈ ಟ್ವೀಟ್ ಗೆ ಡಿಸ್ಕವರಿ ನೆಟ್ ವರ್ಕ್ ನ ದಕ್ಷಿಣ ಏಷ್ಯಾದ ಎಂಡಿ ಮೇಘಾ ಟಾಟಾ ಹೌದು ಎಂದು ಉತ್ತರಿಸುವ ಮೂಲಕ ಕನ್ನಡದಲ್ಲಿ ಈ ಕಾರ್ಯಕ್ರಮ ಲಭ್ಯವಾಗಲಿದೆ ಎಂದು ರೀ ಟ್ವೀಟ್ ಮಾಡಿದ್ದಾರೆ.

  ಹೀಗಾಗಿ ಕೇವಲ ಇಂಗ್ಲೀಷ್, ಹಿಂದಿ ಭಾಷೆಯಲ್ಲಿ ನೋಡಿ ಮನರಂಜನೆ ಪಡೆಯುತ್ತಿದ್ದವರಿಗೆ ಇದೀಗ ಡಿಸ್ಕವರಿ ಚಾನೆಲ್ ಕನ್ನಡ ಅವತರಿಣಿಕೆಯಲ್ಲಿ ಇಂದಿನಿಂದ ಪ್ರಸಾರವಾಗಲಿದೆ. ಖ್ಯಾತ ಸಾಹಸಿಕ ನಿರೂಪಕ ಬೇರ್‌ ಗ್ರಿಲ್ಸ್‌ ಇದರ ರೂವಾರಿಯಾಗಿದ್ದಾರೆ. ಕೈಯಲ್ಲಿ ಆಯುಧ, ಬೆಟ್ಟಗಳಲ್ಲಿ ಓಡಾಟ, ತೆಪ್ಪದಲ್ಲಿ ರೋಚಕ ದೃಶ್ಯಗಳು, ಹೀಗೆ ಮೋದಿ ಸಾಹಸದ ಕುರಿತ 45 ಸೆಕೆಂಡ್‌ನ ಪ್ರೊಮೊವನ್ನು ಬೇರ್‍ ಗ್ರಿಲ್ಸ್‌ ಕಳೆದ ತಿಂಗಳು ಟ್ವಿಟರ್‌ನಲ್ಲಿ ಶೇರ್‍ ಮಾಡಿದ್ದು, ಭಾರಿ ಸದ್ದು ಮಾಡಿತ್ತು. ಇದೀಗ ಈ ಕಾರ್ಯಕ್ರಮ ಇಂದು ರಾತ್ರಿ 9 ಗಂಟೆಗೆ 180 ರಾಷ್ಟ್ರಗಳಲ್ಲಿ ಪ್ರಸಾರವಾಗಲಿದೆ. ಐದು ಭಾಷೆಗಳಲ್ಲಿ ಲಭ್ಯವಾಗಲಿದೆ ಎಂದು ಚಾನೆಲ್‌ ತಿಳಿಸಿದೆ.

  ಡಿಸ್ಕವರಿ ಚಾನೆಲ್ ಕನ್ನಡದಲ್ಲಿ ಲಭ್ಯ, Man vs Wild ಕನ್ನಡದಲ್ಲೇ ನೋಡಿ @DiscoveryIN https://t.co/cg1ASZTvVu #ಕನ್ನಡ via @oneindiakannada

  — Kiran (@kodlady) ಆಗಸ್ಟ್ 12, 2019