ಕೆಲಸ ಮಾಡುತ್ತಲೇ ಯುಪಿಎಸ್‌ಸಿಗೆ ತಯಾರಿ ನಡೆಸಿ ಐಪಿಎಸ್ ಅಧಿಕಾರಿಯಾದ ಲಕ್ಕಿ ಚೌಹಾಣ್

•   Tue, Oct 13 2026 08:22:50 AM



• ಉತ್ತರ ಪ್ರದೇಶ, ಅ.13 (DaijiworldNews/AK): ನಾಗರಿಕ ಸೇವೆಗಳಂತಹ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುವುದು ಸುಲಭದ ಕೆಲಸವಲ್ಲ. ತ್ರಿಪುರಾ ಕೇಡರ್‌ನ ಐಪಿಎಸ್ ಅಧಿಕಾರಿ ಲಕ್ಕಿ ಚೌಹಾಣ್, ಕೆಲಸ ಮಾಡುತ್ತಲೇ ಯುಪಿಎಸ್‌ಸಿ ಪರೀಕ್ಷೆಗೆ ತಯಾರಿ ನಡೆಸಿ ರ‍್ಯಾಂಕ್ ಪಡೆದ ವಿದ್ಯಾರ್ಥಿಗಳಲ್ಲಿ ಒಬ್ಬರು. ಲಕ್ಕಿ ಚೌಹಾಣ್ ಅವರ ಕಥೆ ಲಕ್ಷಾಂತರ ಆಕಾಂಕ್ಷಿಗಳಿಗೆ ಸ್ಪೂರ್ತಿದಾಯಕವಾಗಿದೆ.

  ಉತ್ತರ ಪ್ರದೇಶದ ಬುಲಂದ್‌ಶಹರ್ ನಿವಾಸಿ ಲಕ್ಕಿ ಚೌಹಾಣ್, ಪ್ರಸ್ತುತ ಗೋಮತಿ ಜಿಲ್ಲೆಯ ಉದಯಪುರದಲ್ಲಿ ಪೊಲೀಸ್ ವರಿಷ್ಠಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಲಕ್ಕಿ ಚೌಹಾಣ್ ಉತ್ತರ ಪ್ರದೇಶದ ಬುಲಂದ್‌ಶಹರ್‌ನ ಖುರ್ಜಾ ಗ್ರಾಮದಲ್ಲಿ ಜನಿಸಿದರು. ಅವರ ತಂದೆ ರೋಹ್ತಾಶ್ ಸಿಂಗ್ ಚೌಹಾಣ್ ಒಬ್ಬ ವ್ಯಾಪಾರಿಯಾಗಿದ್ದರೆ, ತಾಯಿ ಸುಮನ್ ಲತಾ ಚೌಹಾಣ್ ಒಬ್ಬ ಶಿಕ್ಷಕಿ.

  ಲಕ್ಕಿಯ ತಂದೆ ಹೇಳುವ ಪ್ರಕಾರ, ಅವಳು ಬಾಲ್ಯದಿಂದಲೂ ಪ್ರತಿಭಾವಂತ ವಿದ್ಯಾರ್ಥಿನಿಯಾಗಿದ್ದಳು. ಲಕ್ಕಿ ಚೌಹಾಣ್ ತನ್ನ 12 ನೇ ತರಗತಿಯನ್ನು ವಿಜ್ಞಾನ ಪದವಿಯೊಂದಿಗೆ ಪೂರ್ಣಗೊಳಿಸಿದರು. ನಂತರ ಅವರು ಇಂಗ್ಲಿಷ್ ಸಾಹಿತ್ಯ ಮತ್ತು ಇತಿಹಾಸದಲ್ಲಿ ಪದವಿ ಪಡೆದಳು. ಪದವಿ ಪಡೆದ ನಂತರ, ಲಕ್ಕಿ ಚೌಹಾಣ್ ಸರ್ಕಾರಿ ಉದ್ಯೋಗವನ್ನು ಪಡೆದರು. ಕೇಂದ್ರ ಸಚಿವಾಲಯದಲ್ಲಿ ಸಹಾಯಕ ಕಲ್ಯಾಣ ಆಡಳಿತಾಧಿಕಾರಿಯಾಗಿ ಸೇರಿದರು. ಐಪಿಎಸ್ ಅಧಿಕಾರಿಯಾಗುವುದು ಅವರು ಕನಸಾಗಿತ್ತು ಮತ್ತು ಕೆಲಸ ಮಾಡುತ್ತಲೇ ಯುಪಿಎಸ್‌ಸಿಗೆ ತಯಾರಿ ನಡೆಸಲು ಅವರು ನಿರ್ಧರಿಸಿದರು.

  ತನ್ನ ತಂದೆಯ ಆಸೆಗಳನ್ನು ಮತ್ತು ಕನಸನ್ನು ಈಡೇರಿಸಲು, ಲಕ್ಕಿ ತನ್ನ ಉದ್ಯೋಗವನ್ನು ಮುಂದುವರಿಸುವುದರ ಜೊತೆಗೆ UPSC ಪರೀಕ್ಷೆಗೆ ತಯಾರಿ ನಡೆಸಲು ಪ್ರಾರಂಭಿಸಿದರು. 2012 ರ UPSC ಪರೀಕ್ಷೆಯಲ್ಲಿ, ಲಕ್ಕಿ ಅಖಿಲ ಭಾರತ ಮಟ್ಟದಲ್ಲಿ 246 ನೇ ಶ್ರೇಯಾಂಕವನ್ನು ಗಳಿಸಿ ತಂದೆಯ ಐಪಿಎಸ್ ಅಧಿಕಾರಿಯಾಗುವ ಕನಸನ್ನು ನನಸಾಗಿಸಿದರು.