ಮಂಡ್ಯ, ಜು 08 (DaijiworldNews/PY): ಕಿರುತೆರೆ ನಟರೊಬ್ಬರು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಮಂಡ್ಯ ತಾಲೂಕಿನ ಇಂಡುವಾಳು ಗ್ರಾಮದಲ್ಲಿ ನಡೆದಿದೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/PY-080720-susheel.jpg)
ಆತ್ಯಹತ್ಯೆ ಮಾಡಿಕೊಂಡ ನಟನನ್ನು ಸುಶೀಲ್ ಕುಮಾರ್ (30) ಎಂದು ತಿಳಿದುಬಂದಿದೆ.
ಸುಶೀಲ್ ಕುಮಾರ್ ಅವರು ಮಂಡ್ಯದ ವಿವಿ ನಗರ ಬಡಾವಣೆ ನಿವಾಸಿಯಾಗಿದ್ದು, ಬೆಂಗಳೂರಿನಲ್ಲಿ ಜಿಮ್ ಟ್ರೈನರ್ ಆಗಿ ಕೆಲಸ ಮಾಡುತ್ತಿದ್ದರು.
ಕೊರೊನಾ ಲಾಕ್ಡೌನ್ ಹಿನ್ನೆಲೆ ಕಳೆದ ಮೂರು ತಿಂಗಳಿನಿಂದ ಜಿಮ್ ತೆರೆದಿರಲಿಲ್ಲ. ಹಾಗಾಗಿ ತಮ್ಮ ಊರಾದ ಮಂಡ್ಯಕ್ಕೆ ವಾಪಾಸ್ಸಾಗಿದ್ದರು. ಸುಶೀಲ್ ಅವರು ಇಂಡುವಾಳು ಗ್ರಾಮದಲ್ಲಿರುವ ಗೆಳೆಯನ ಮನೆಗೆ ಹೋಗಿದ್ದರು. ಅಲ್ಲಿ ಸುಶೀಲ್ ಕುಮಾರ್ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ.
ಇವರು ಕಮರೊಟ್ಟು ಚೆಕ್ ಪೋಸ್ಟ್ ಹಾಗೂ ಸಲಗ ಸಿನಿಮಾಗಳಲ್ಲಿ ನಟಿಸಿದ್ದರು.