ಮುಂಬೈ, ಜು. 09 (DaijiworldNews/MB) : ಅಮಿತಾಭ್ ಬಚ್ಚನ್ ಅವರ 'ಶೋಲೆ' ಸಿನಿಮಾದಲ್ಲಿನ ಸೂರ್ಮಾ ಭೋಪಾಲಿ ಎಂಬ ಪಾತ್ರದ ಮೂಲಕ ಹೆಚ್ಚು ಜನಪ್ರಿಯರಾಗಿರುವ ಬಾಲಿವುಡ್ನ ಹಿರಿಯ ನಟ -ಕಾಮಿಡಿಯನ್ ಜಗದೀಪ್ ಬುಧವಾರ ರಾತ್ರಿ 8-30 ಸುಮಾರಿಗೆ ಬಾಂದ್ರಾದಲ್ಲಿನ ನಿವಾಸದಲ್ಲಿ ವಯೋ ಸಹಜ ಅನಾರೋಗ್ಯದಿಂದ ನಿಧನರಾಗಿದ್ದಾರೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/mb-090720-jagdeep.jpg)
81 ವರ್ಷವಾಗಿದ್ದ ಇವರ ಮೂಲ ಹೆಸರು ಸಯ್ಯದ್ ಇಷ್ತಿಯಾಕ್ ಅಹ್ಮದ್ ಜಫ್ರಿಯಾಗಿದ್ದು ಸಿನಿಮಾರಂಗದಲ್ಲಿ ಜಗದೀಪ್ ಎಂದೇ ಗುರುತಿಸಿಕೊಂಡಿದ್ದಾರೆ.
ಸುಮಾರು 400 ಸಿನಿಮಾಗಳಲ್ಲಿ ನಟಿಸಿರುವ ಅವರು, 1975ರಲ್ಲಿ ಬಿಡುಗಡೆಯಾದ 'ಶೋಲೆ' ಸಿನಿಮಾದಲ್ಲಿನ ಸೂರ್ಮಾ ಭೋಪಾಲಿ ಪಾತ್ರದ ಮೂಲಕ ಹೆಚ್ಚು ಜನಪ್ರಿಯರಾಗಿದ್ದಾರೆ. ಹಾಗೆಯೇ ಇವರ ಪುತ್ರ ಜಾವೇದ್ ಜಫ್ರಿ ಅವರು ಕೂಡಾ ಜನಪ್ರಿಯ ನಟರಾಗಿದ್ದಾರೆ. ಇನ್ನು ಶೋಲೆ ಸಿನಿಮಾದಲ್ಲಿ ಜಗದೀಪ್ ಅವರು ಮಾಡಿದ ಪಾತ್ರವಾದ ಸೂರ್ಮಾ ಭೋಪಾಲಿ ಶೀರ್ಷಿಕೆಯಲ್ಲಿಯೇ ಜಗದೀಪ್ ಅವರ ಸಿನಿಮಾ ಮೂಡಿಬಂದಿದೆ.
ಜಗದೀಪ್ ಅವರ ನಿಧನಕ್ಕೆ ಅನೇಕರು ಸಂತಾಪ ಸೂಚಿಸಿದ್ದಾರೆ.