ಕಾನ್ಪುರ, ಜು. 09 (DaijiworldNews/MB) : ಕಳೆದ ವಾರ ಕಾನ್ಪುರದಲ್ಲಿ ನಡೆದ ಎನ್ಕೌಂಟರ್ ಸಂದರ್ಭದಲ್ಲಿ 8 ಪೊಲೀಸರನ್ನು ರೌಡಿಶೀಟರ್ಗಳು ಹತ್ಯೆಗೈದ ಪ್ರಮುಖ ಆರೋಪಿ ಕುಖ್ಯಾತ ರೌಡಿ ವಿಕಾಸ್ ದುಬೆಯ ಮತ್ತಿಬ್ಬರು ಸಹಚರರನ್ನು ಗುರುವಾರ ಬೆಳಿಗ್ಗೆ ಪೊಲೀಸರು ಎನ್ಕೌಂಟರ್ ಮಾಡಿದ್ದಾರೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/mb-090720-2dead.jpg)
ಹಾಗೆಯೇ ಇಂದು ದುಬೆಯನ್ನು ಕೂಡಾ ಪೊಲೀಸರು ಬಂಧಿಸಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿರುವ ಹಿರಿಯ ಪೊಲೀಸ್ ಅಧಿಕಾರಿ ಪ್ರಶಾಂತ್ ಕುಮಾರ್, ವ್ಯಾನ್ನ ಚಕ್ರ ಬದಲು ಮಾಡುವ ಸಲುವಾಗಿ ಬಂಧಿತ ಪ್ರಭಾತ್ ಜೊತೆಗಿದ್ದ ಪೊಲೀಸರು ಕೆಳಿಗಿಳಿದಿದ್ದು ಈ ಸಂದರ್ಭದಲ್ಲಿ ಪ್ರಭಾತ್ ಪಿಸ್ತೂಲ್ ಕಸಿದು ಪೊಲೀಸರಿಗೆ ಗುಂಡು ಹಾರಿಸಿ ತಪ್ಪಿಸಲು ಯತ್ನಿಸಿದ್ದಾನೆ. ಈ ಸಂದರ್ಭದಲ್ಲಿ ಪ್ರತಿ ದಾಳಿ ನಡೆಸಿದಾಗ ಆತನಿಗೆ ಗುಂಡು ತಗುಲಿದೆ. ಆಸ್ಪತ್ರೆಗೆ ದಾಖಲು ಮಾಡಿದರೂ ಆತ ಸಾವನ್ನಪ್ಪಿದ್ದಾನೆ ಎಂದು ತಿಳಿಸಿದ್ದಾರೆ. ಮತ್ತೊಬ್ಬ ಬವುಮಾ ದುಬೆ ಅಲಿಯಾಸ್ ಪ್ರವೀಣ್ ಎಂಬಾತ ಇಟುವಾದಲ್ಲಿ ಎನ್ಕೌಂಟರ್ ವೇಳೆ ಸಾವನ್ನಪ್ಪಿದ್ದು ಸರ್ಕಾರ ಈತನ ಸುಳಿವು ನೀಡಿದವರಿಗೆ 50 ಸಾವಿರ ಘೋಷಣೆ ಮಾಡಿತ್ತು.
ಇನ್ನು ರೌಡಿಶೀಟರ್ಗಳಿಗೆ ದಾಳಿಯ ಮಾಹಿತಿ ನೀಡಿದ ಆರೋಪದಲ್ಲಿ ಇಬ್ಬರು ಪೊಲೀಸರನ್ನು ಬಂಧಿಸಲಾಗಿದೆ.