ಮೈಸೂರು, ಜು. 09 (DaijiworldNews/MB) : ''ನಿಮ್ಮ ಮಟ್ಟವನ್ನು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಹೋಲಿಸದಿರಿ'' ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ಅವರಿಗೆ ಸಂಸದ ಪ್ರತಾಪ್ ಸಿಂಹ ತಿರುಗೇಟು ನೀಡಿದ್ದಾರೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/mb-090720-pratap.jpg)
ಮೈಸೂರಿನಲ್ಲಿ ಮಾತನಾಡಿದ ಅವರು, ''ನಿಮ್ಮನ್ನು ಪ್ರಶ್ನಿಸಿದ ಪ್ರತಿ ಬಾರಿಯೂ ನೀವು ಪ್ರಧಾನಿ ಮೋದಿಯವರ ಹೆಸರನ್ನು ಮಧ್ಯ ಎಳೆಯುತ್ತೀರಿ. ನಮ್ಮನ್ನು ಕೇಳಿ ನಾವು ಉತ್ತರಿಸುತ್ತೇವೆ'' ಎಂದು ಹೇಳಿದರು.
''ಕೊವೀಡ್ ನಿಯಂತ್ರಣದ ವಿಚಾರದಲ್ಲಿ ಅಕ್ರಮ ನಡೆದಿದೆ ಎಂದು ಹೇಳುತ್ತೀರಿ. ದಾಖಲೆ ಪರಿಶೀಲಿಸಲು ಕರೆದಾಗ ಬರುವುದಿಲ್ಲ. ಲೆಕ್ಕ ಕೇಳುತ್ತೀರಿ ಪರಿಶೀಲನೆಗೆ ಬರಲ್ಲ'' ಎಂದು ವ್ಯಂಗ್ಯ ಮಾಡಿದ ಅವರು, ಇದೇ ಸಂದರ್ಭದಲ್ಲಿ ಮಾಧ್ಯಮ ಕೇಳಿದ ಪ್ರಶ್ನೆಗೆ ''ಸಿದ್ದರಾಮಯ್ಯರನ್ನು ಬಾಸ್ ಎನ್ನುವುದರಲ್ಲಿ ತಪ್ಪೇನಿದೆ. ಅವರು ವಿಪಕ್ಷ ನಾಯಕರಾದರೂ ಮೈಸೂರಿನವರು. ನನಗೆ ಹಿರಿಯರ ಮೇಲೆ ಗೌರವವಿದೆ. ಹಾಗಾಗಿ ಬಾಸ್ ಎಂದು ಗೌರವದಿಂದ ಕರೆದಿದ್ದೇನೆ'' ಎಂದು ಹೇಳಿದ್ದಾರೆ.
ಇನ್ನು ಸಿದ್ದರಾಮಯ್ಯನವರು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ ಎಲ್ ಸಂತೋಷ್ ಅವರ ವಿರುದ್ಧ ವಾಗ್ದಾಳಿ ನಡೆಸಿದ ವಿಚಾರಕ್ಕೆ ಸಂಬಂಧಿಸಿ ಮಾತನಾಡಿದ ಅವರು, ''ಸಿದ್ದರಾಮಯ್ಯನವರೇ ನೀವು ಬಿ ಎಲ್ ಸಂತೋಷ್ ಅವರ ಭಾಷಣ ಕೇಳಿರುವುದು ಸಂತಸವಾಗಿದೆ. ಮಹಾರಾಷ್ಟ್ರದಲ್ಲಿ ದೇವೇಂದ್ರ ಫಡ್ನವಿಸ್ರಂತೆ ಇವರು ಕೂಡಾ ವಿರೋಧ ಪಕ್ಷಗಳಿಂದ ನಿರೀಕ್ಷೆ ಮಾಡಿದ್ದಾರೆ. ಅದನ್ನು ಧನಾತ್ಮಕವಾಗಿ ತೆಗೆದುಕೊಳ್ಳುವ ಬದಲಾಗಿ ಫಿಎಂ ಕೇರ್ ಫಂಡ್ ವಿಚಾರವನ್ನು ಮಧ್ಯೆ ಎಳೆಯುತ್ತೀರಿ'' ಎಂದರು.