ಭಾರತದಲ್ಲಿ ಕೋವಿಡ್ ಪ್ರಕರಣ ಧಿಡೀರ್ ಉಲ್ಬಣ - 1,431 ಓಮಿಕ್ರಾನ್ ಪ್ರಕರಣ ಪತ್ತೆ

•   Sat, Jan 01 2022 10:20:10 AM



• ನವದೆಹಲಿ, ಜ 01 (DaijiworldNews/MS): ಭಾರತದಲ್ಲಿ ಕೊವೀಡ್ ರೂಪಂತರಿ ಒಮಿಕ್ರಾನ್ ಸೋಂಕಿತರ ಸಂಖ್ಯೆಯಲ್ಲಿ ಏರಿಕೆ ಮಾತ್ರವಲ್ಲದೆ ಒಟ್ಟಾರೆ ಕರೊನಾ ಸೋಂಕಿನ ಪ್ರಕರಣಗಳಲ್ಲಿ ಭಾರಿ ಹೆಚ್ಚಳವಾಗಿರುವುದು ತೀವ್ರ ಕಳವಳಕ್ಕೆ ಕಾರಣವಾಗಿದೆ. ಇದು ಮಹಾಮಾರಿಯ ಮೂರನೇ ಅಲೆಗೆ ಕಾರಣವಾಗಬಹುದು ಎಂಬ ಆತಂಕ ಕಾಡಲಾರಂಭಿಸಿದೆ.

  ದೇಶದಲ್ಲಿ ಕರೊನಾ ಸಾಂಕ್ರಾಮಿಕತೆಯ 22,775 ಹೊಸ ಪ್ರಕರಣಗಳು ದಾಖಲಾಗಿವೆ. ಭಾರತದಲ್ಲಿ ವೇಗವಾಗಿ ಹರಡುವ ಒಮಿಕ್ರಾನ್  ರೂಪಾಂತರದ ಪ್ರಕರಣಗಳ ಸಂಖ್ಯೆ 1,431 ಕ್ಕೆ ಏರಿದೆ .ಒಮಿಕ್ರಾನ್ ಪ್ರಭೇದ ಈಗ ಭಾರತದ 23 ರಾಜ್ಯ, ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಪತ್ತೆಯಾಗಿದೆ.

  ಹೊಸ ಕೋವಿಡ್ ಪ್ರಕರಣಗಳಲ್ಲಿ ದೇಶದಲ್ಲಿ ಏಕಾಏಕಿ 35 ಪ್ರತಿ ಶತದಷ್ಟು ಏರಿಕೆ ಕಂಡುಬಂದಿದೆ. ಈ ಪೈಕಿ 454 ಪ್ರಕರಣಗಳೊಂದಿಗೆ ಮಹಾರಾಷ್ಟ್ರ ಹೆಚ್ಚು ಕೊವೀಡ್ ಪೀಡಿತ ರಾಜ್ಯವಾಗಿದ್ದು, 351 ಸೋಂಕುಗಳೊಂದಿಗೆ ದೆಹಲಿ ನಂತರದ ಸ್ಥಾನದಲ್ಲಿದೆ.

  118 ಪ್ರಕರಣಗಳೊಂದಿಗೆ ತಮಿಳುನಾಡು ಮೂರನೇ ಅತಿ ಹೆಚ್ಚು ಪೀಡಿತ ರಾಜ್ಯವಾಗಿದೆ. ಕೇರಳ ಐದನೇ ಸ್ಥಾನದಲ್ಲಿದೆ. 406 ಸಾವಿನ ಪ್ರಕರಣಗಳು ವರದಿಯಾಗಿದ್ದು, ಭಾರತದಲ್ಲಿ ಈವರೆಗೆ 3,48,61,579 ಪ್ರಕರಣಗಳು ಪತ್ತೆಯಾಗಿದೆ.