ಬ್ಯಾಂಕಾಕ್‌ನಿಂದ ಬ್ಯಾಗ್ ನಲ್ಲಿಟ್ಟು ಚಿರತೆ ಮರಿ ತಂದು ಚೆನ್ನೈ ಏರ್ ಪೋರ್ಟ್ ನಲ್ಲಿ ಸಿಕ್ಕಿಬಿದ್ದ..!

•   Sun, Feb 03 2019 10:25:15 AM



• ನವದೆಹಲಿ,ಫೆ 03 (MSP): ಬ್ಯಾಂಕಾಕ್‌ನಿಂದ ಚಿರತೆಯ ಮರಿಯೊಂದನ್ನು ಬ್ಯಾಗ್‌ನಲ್ಲಿಟ್ಟುಕೊಂಡು ಚೆನ್ನೈ ವಿಮಾನ ನಿಲ್ದಾಣಕ್ಕೆ ಬಂದ ಪ್ರಯಾಣಿಕನೋರ್ವನನ್ನು ವಿಮಾನ ನಿಲ್ದಾಣ ಅಧಿಕಾರಿಗಳು ಶನಿವಾರ ಬಂಧಿಸಿದ್ದಾರೆ.

  

  ಸುಮಾರು ಒಂದು ಕೆ.ಜಿ ತೂಕವಿದ್ದ ಚಿರತೆ ಮರಿಯನ್ನು ಪ್ಲಾಸ್ಟಿಕ್‌ ಬಾಸ್ಕೆಟ್‌ನಲ್ಲಿ ಇಟ್ಟು, ಅದನ್ನು ಕೈಚೀಲದೊಳಗೆ ಅಡಗಿಸಿಕೊಂಡು ತರಲಾಗಿತ್ತು. ಅಲ್ಲಿಯವರೆಗೆ ಹೇಗೋ ತಂದಿದ್ದ ಪ್ರಯಾಣಿಕ ಚೆನ್ನೈ ವಿಮಾನ ನಿಲ್ದಾಣದ ತಲುಪಿದಾಗ ಚಿರತೆ ಮರಿ ಸದ್ದು ಮಾಡಲು ಆರಂಭಿಸಿದೆ, ಇದರಿಂದ ಅನುಮಾನಗೊಂಡ ಭದ್ರತಾ ಸಿಬ್ಬಂದಿ ತಪಾಸಣೆ ನಡೆಸಲು ಯತ್ನಿಸಿದಾಗ ಟರ್ಮಿನಲ್‌ನಿಂದ ಬೇಗ ಹೊರಹೋಗಲು ಪ್ರಯಾಣಿಕ ಯತ್ನಿಸಿದ್ದ. ಕೈಚೀಲ ತೆರೆದು ನೋಡಿದಾಗ ಚಿರತೆ ಮರಿ ಇರುವುದು ಬೆಳಕಿಗೆ ಬಂದಿದೆ.

  ಬ್ಯಾಗ್‌ನಿಂದ ಹೊರತೆಗೆದಾಗ ಚಿರತೆ ಮರಿ ಗಾಬರಿ ಹಾಗೂ ನಿತ್ರಾಣಗೊಂಡಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ವ್ಯಕ್ತಿಯನ್ನು ವಶಕ್ಕೆ ಪಡೆದು ಚಿರತೆ ಮರಿ ಬಗ್ಗೆ ಪ್ರಶ್ನಿಸುತ್ತಿದ್ದೇವೆ’ ಎಂದು ಚೆನ್ನೈ ವನ್ಯಜೀವಿ ಅಪರಾಧ ವಿಭಾಗದ ಮುಖ್ಯಸ್ಥ ಎ.ಒ. ಲಿಮಾತೋಶಿ ತಿಳಿಸಿದ್ದಾರೆ.