ರಾಜಸ್ಥಾನ: ಸಾವಿನ ದಿಬ್ಬಣವಾದ ಮದುವೆ ಮೆರವಣಿಗೆ - ಟ್ರಕ್ ಹರಿದು 13 ಸಾವು,18 ಮಂದಿಗೆ ಗಾಯ

•   Tue, Feb 19 2019 10:31:52 AM



• ಪ್ರತಾಪಗಡ ,ಫೆ19 (MSP): ಮದುವೆ ನಿಮಿತ್ತ ಮೆರವಣಿಗೆ ಹೊರಟವರ ಮೇಲೆ ವೇಗವಾಗಿ ಬಂದ ಟ್ರಕ್ ಹರಿದು 13 ಮಂದಿ ಸಾವಿಗೀಡಾಗಿದ್ದು 18 ಮಂದಿ ಗಾಯಗೊಂಡಿರುವ ಘಟನೆ ರಾಜಸ್ಥಾನದ ಪ್ರತಾಪಗಡ ಜಿಲ್ಲೆಯಲ್ಲಿ ಸೋಮವಾರ ತಡರಾತ್ರಿ ಸಂಭವಿದೆ.

  

  ತಾಪಗಡ–ಜೈಪುರ ಹೆದ್ದಾರಿಯ ಸಮೀಪದ ಅಂಬವಾಲಿ ಗ್ರಾಮದಲ್ಲಿ ಈ ದುರ್ಘಟನೆ ಸಂಭವಿಸಿದೆ. ’ಬಿಂದೋಳಿ’ ಎಂದು ಕರೆಯಲಾಗುವ ಮದುವೆ ಮೆರವಣಿಗೆ ನಡೆಯುತ್ತಿದ್ದ ಸಮಯದಲ್ಲಿ ವಿವಾಹ ಸಂಭ್ರಮದಲ್ಲಿದ್ದ ಜನರ ಮೇಲೆ, ನಿಂಬಹೆರಾದಿಂದ ಬಾನ್ಸ್ವಾರಾಕ್ಕೆ ಹೋಗುತ್ತಿದ್ದ ಟ್ರಕ್ ಇವರ ಮೇಲೆ ಹರಿದಿದೆ.
  ಅಪಘಾತ ಪರಿಣಾಮ ಸ್ಥಳದಲ್ಲಿಯೇ 9 ಮಂದಿ ಮೃತಪಟ್ಟಿದ್ದು, ಆಸ್ಪತ್ರೆಗೆ ಸಾಗಿಸುವ ಮಾರ್ಗದಲ್ಲಿ ನಾಲ್ವರು ಸಾವಿಗೀಡಾಗಿದ್ದಾರೆ. ಮದುಮಗಳು ಸೇರಿ 18 ಮಂದಿ ಗಾಯಗೊಂಡಿದ್ದು ಅವರನ್ನು ಚೋಟಿ ಸದ್ರಿಯಾ ಹಾಗೂ ಉದಯ್ ಪುರ ಸ್ಆಸ್ಪತ್ರೆಗೆ ದಾಖಲಿಸಿರುವುದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ