ಪಾಕ್ ಯುದ್ದ ವಿಮಾನ ಹೊಡೆದುರುಳಿಸಿದ್ದೇವೆ - ನಮ್ಮ ಪೈಲೆಟ್ ನಾಪತ್ತೆಯಾಗಿದ್ದಾರೆ - ಭಾರತದ ವಿದೇಶಾಂಗ ಕಾರ್ಯದರ್ಶಿ

•   Wed, Feb 27 2019 04:10:48 PM



• ನವದೆಹಲಿ, ಫೆ 27 (MSP): ಭಾರತೀಯ ವಾಯುವಲಯವನ್ನು ದಾಟಿ ಬಂದ ಪಾಕಿಸ್ತಾನದ ಯುದ್ದ ವಿಮಾನವನ್ನು ಬುಧವಾರ ಭಾರತ ಹೊಡೆದಿರುಳಿಸಿದೆ. ಪಾಕಿಸ್ತಾನದ ಸೇನಾ ಪಡೆಯ ವಿಮಾನ ಬುಧವಾರ ಬೆಳಗ್ಗೆ ಭಾರತದ ಗಡಿಯೊಳಕ್ಕೆ ನುಸುಳಿ, ವಾಯುದಾಳಿ ನಡೆಸಲು ಪ್ರಯತ್ನಿಸಿದೆ. ಆದ್ರೆ ನಮ್ಮ ವಾಯುಪಡೆಗಳು ಅತ್ಯಂತ ಅಲರ್ಟ್ ಆಗಿರುವ ಕಾರಣ ಪಾಕಿಸ್ತಾನದ ಪ್ರಯತ್ನವನ್ನು ವಿಫಲಗೊಳಿಸಲಾಗಿದೆ.

  

  ಪಾಕ್ ಯುದ್ಧ​ ವಿಮಾನವೊಂದನ್ನು ಹೊಡೆದುರುಳಿಸಿದ್ದೇವೆ. ಅದರಲ್ಲಿದ್ದ ಇಬ್ಬರು ಪೈಲಟ್​​ಗಳು ಪಾಕಿಸ್ತಾನದ ನೆಲದಲ್ಲಿ ಜಿಗಿದಿರುವುದನ್ನು ನಮ್ಮ ಭೂಸೇನೆ ಗಮನಿಸಿದೆ. ಪಾಕ್ ವಿಮಾನವನ್ನು ಹೊಡೆದುರುಳಿಸುವಾಗ ನಮ್ಮ ಮಿಗ್​ ವಿಮಾನವೂ ಹಾನಿಗೊಳಗಾಗಿದೆ. ಇದೇ ವೇಳೆ ನಮ್ಮ ಪೈಲಟ್​ ಒಬ್ಬರು ನಾಪತ್ತೆಯಾಗಿರುವುದು ಖಚಿತವಾಗಿದೆ. ಇನ್ನು ನಮ್ಮ ಸೇನೆಯ ಪೈಲಟ್ ತಮ್ಮ ವಶದಲ್ಲಿ ಇರುವುದಾಗಿ ಪಾಕಿಸ್ತಾನ ಹೇಳಿಕೊಂಡಿದೆ ಎಂದು ಭಾರತದ ವಿದೇಶಾಂಗ ಕಾರ್ಯದರ್ಶಿ ರವೀಶ್​ ಕುಮಾರ್​​ ಹಾಗೂ ವಾಯುಸೇನೆ ಮುಖ್ಯಸ್ಥ ಏರ್​ ವೈಸ್​​ ಮಾರ್ಷಲ್​​ ಆರ್​ಜಿಕೆ ಕಪೂರ್ ಜಂಟಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.