'ವೀರಪುತ್ರ ಅಭಿನಂದನ್ ' ವಾಪಾಸ್ ಕರೆತರಲು ದೇಶದಾದ್ಯಂತ ಅಭಿಯಾನ - ಪೈಲಟ್ ಗಾಗಿ ಕಾಳಜಿ

•   Thu, Feb 28 2019 10:44:28 AM



• ನವದೆಹಲಿ,ಫೆ 28(MSP): ಪಾಕ್ ವಶದಲ್ಲಿರುವ ಅಭಿನಂದನ್ ವರ್ಧಮಾನ್ ಅವರನ್ನು ವಾಪಾಸ್ ಕರೆತರಲು ಆಗ್ರಹಿಸಿ ಆಲ್ ಲೈನ್ ನಲ್ಲಿ ವ್ಯಾಪಕ ಅಭಿಯಾನ ಆರಂಭವಾಗಿದೆ.ಅಭಿನಂದನ್ ಅವರನ್ನು ವಾಪಾಸ್ ಕರೆತರಲು ಮೋದಿ ಮಾತುಕತೆ ನಡೆಸಬೇಕು ಎಂಬ ಅಭಿಪ್ರಾಯವೂ ನೆಟ್ಟಿಗರಿಂದ ವ್ಯಕ್ತವಾಗಿದೆ. ಈ ಮಧ್ಯೆ ಅಭಿನಂದನ್ ಸುರಕ್ಷಿತವಾಗಿ ವಾಪಾಸ್ ಬರಲೆಂದು ಪ್ರಾರ್ಥಿಸುವುದಾಗಿ ಕೆಲವರು ಹೇಳಿದ್ದಾರೆ. ’ ಅಭಿನಂದನ್ ಮತ್ತು ’ ಬ್ರಿಂಗ್ ಬ್ಯಾಕ್ ಅಭಿನಂದನ್ ’ ಅಭಿಯಾನಗಳು ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದೆ. ಅಭಿನಂದನ್ ಅವರನ್ನು ಸುರಕ್ಷಿತವಾಗಿ ಕರೆತನ್ನಿ ಎಂಬ ಒಕ್ಕೊರಲ ಬೇಡಿಕೆಯೊಂದಿಗೆ ಅವರನ್ನು ಪಾಕಿಸ್ತಾನ ನಡೆಸಿಕೊಂಡ ರೀತಿಗೆ ಭಾರಿ ಆಕ್ರೋಶ ವ್ಯಕ್ತವಾಗಿದೆ.

  

  

  

  ತಮಿಳುನಾಡು ಮೂಲದವರಾದ ಅಭಿನಂದನ್ ಅವರ ತಂದೆ ಸಿಂಹಕುಟ್ಟಿ ವರ್ಧಮಾನ್ ಕೂಡಾ ಏರ್ ಮಾರ್ಷೆಲ್ ಆಗಿದ್ದರು. ಇವರು ಬೆಂಗಳೂರಿನ ಏರ್ ಕ್ರಾಫ್ಟ್ಸ್ ಸಿಸ್ಟಮ್ ನಲ್ಲಿ ಕೆಲಸ ಮಾಡಿದ್ದರು.

  ಕುಟುಂಬ ಸದಸ್ಯರಲ್ಲಿ ಆತಂಕ: ಪಾಕ್ ನಲ್ಲಿ ಅಭಿನಂದನ್ ಅವರ ಬಂಧನದ ಸುದ್ದಿಯು ಚೆನ್ನೈನಲ್ಲಿ ನೆಲೆಸಿರುವ ಕುಟುಂಬದ ಪಾಲಿಗೆ ಬರಸಿಡಿಲು ಬಡಿದಂತಾಗಿದೆ. ತಮ್ಮ ಮಗನನ್ನು ಕೂಡಲೇ ಕರೆತರಬೇಕು ಪೋಷಕರು ಮತ್ತು ಸಂಬಂಧಿಕರು ಒತ್ತಾಯಿಸಿದ್ದಾರೆ