ಬೆಂಗಳೂರು:ಆಸ್ತಿಗಾಗಿ ಮಾವನ ಮೇಲೆ ಹಲ್ಲೆ ನಡೆಸಿದ ಸೊಸೆ

•   Tue, Mar 12 2019 07:01:28 PM



• ಬೆಂಗಳೂರು,ಮಾ.12(AZM): ಮಾವನ ಮೇಲೆ ಸೊಸೆಯಿಂದಲೇ ಹಲ್ಲೆ ನಡೆದಿರುವ ಘಟನೆ ಬೆಂಗಳೂರಿನ ಕೆಜಿ ಹಳ್ಳಿಯಲ್ಲಿ ನಡೆದಿದೆ. ಆಕೆ ತನ್ನ ಬುದ್ಧಿಮಾಂದ್ಯನಾಗಿರುವ ಪತಿಯ ಮೇಲೂ ಹಲ್ಲೆ ನಡೆಸಿದ್ದು, ಈ ದೃಶ್ಯಗಳು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

  

  ಮಾವ ಗುಲಾಬ್ ಜಾನ್ ಎಂಬವರ ಹೆಸರಿನಲ್ಲಿ ಕೋಟ್ಯಾಂತರ ರೂ. ಮೌಲ್ಯದ ಆಸ್ತಿ ಇದ್ದು, ಇದನ್ನುತನ್ನ ಹೆಸರಿಗೆ ಬರೆದುಕೊಡುವಂತೆ ಹೇಳಿ ಸೊಸೆ ಹಲ್ಲೆ ನಡೆಸಿದ್ದಾಳೆ, ಅಲ್ಲದೆ ತನ್ನ ಬುದ್ಧಿಮಾಂದ್ಯನಾಗಿರುವ ಮಗ ಇದನ್ನು ತಡೆಯಲು ಬಂದ ಸಂದರ್ಭದಲ್ಲಿ ಆಕೆ ತನ್ನ ಪತಿ ಎಂದೂ ಲೆಕ್ಕಿಸದೆ ತನ್ನ ಮಗನ ಮೇಲೂ ಹಲ್ಲೆ ನಡೆಸಿದ್ದಾಳೆ ಎಂದು ಗುಲಾಬ್ ಜಾನ್ ದೂರಿದ್ದು, ಈ ಎಲ್ಲಾ ದೃಶ್ಯಗಳು ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.
  
  ತನ್ನ ಸೊಸೆಗೆ ರೌಡಿಶೀಟರ್ ಒಬ್ಬನೊಂದಿಗೆ ಅನೈತಿಕ ಸಂಬಂಧವಿದ್ದು, ಆತ ಜೊತೆಗಿದ್ದಾಗಲೇ ರೆಡ್ ಹ್ಯಾಂಡಾಗಿ ತನ್ನ ಕೈಗೆ ಸಿಕ್ಕಿ ಬಿದ್ದಿದ್ದಳು. ಅಕ್ರಮ ಸಂಬಂಧವನ್ನು ಮುಚ್ಚಿ ಹಾಕಿಕೊಳ್ಳಲು ತನ್ನ ಮೇಲೆ ಅತ್ಯಾಚಾರ ಆರೋಪ ಹೊರಿಸಿ ದೂರು ನೀಡಿದ್ದಾಳೆ. ಹಾಗೂ ತನ್ನ ಮೇಲೆ ಆಸ್ತಿಗಾಗಿ ಹಲ್ಲೆ ನಡೆಸಿದ್ದಾಳೆ ಎಂದು ಮಾವ ಹೇಳಿಕೊಂಡಿದ್ದಾರೆ. ಮಾವ ಮತ್ತು ಪತಿಯ ಮೇಲೆ ಮಹಿಳೆ ಹಲ್ಲೆ ನಡೆಸಿರುವ ದೃಶ್ಯಗಳು ಸೆರೆಯಾಗಿದ್ದು, ದೂರು ನೀಡಿದರೂ ಪೊಲೀಸರು ಸ್ಪಂದಿಸುತ್ತಿಲ್ಲ ಎಂಬ ಆರೋಪ ಕೇಳಿಬಂದಿದೆ.