ವಿಶೇಷ ಚೇತನ ಮಕ್ಕಳೊಂದಿಗೆ ತಾಯಿ ಆತ್ಮಹತ್ಯೆ

•   Sat, Mar 16 2019 10:19:31 PM



• ಬೆಂಗಳೂರು,ಮಾ.16(AZM):ತನ್ನ ಇಬ್ಬರು ವಿಶೇಷಚೇತನ ಮಕ್ಕಳೊಂದಿಗೆ ತಾಯಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಎಲೆಕ್ಟ್ರಾನಿಕ್ ಸಿಟಿಯ ದೊಡ್ಡತೇಗೂರು ಗ್ರಾಮದಲ್ಲಿ ನಡೆದಿದೆ.

  

  ತಾಯಿ ರಾಧಮ್ಮ(50) ಮಕ್ಕಳಾದ ಹರೀಶ್(28), ಸಂತೋಷ್(25) ಮೃತ ದುರ್ದೈವಿಗಳು. ಜೀವನದಲ್ಲಿ ಜಿಗುಪ್ಸೆ ಉಂಟಾಗಿ ತನ್ನ ಇಬ್ಬರು ಮಕ್ಕಳಿಗೆ ವಿಷ ಉಣಿಸಿ ತಾನೂ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ
  ಕಳೆದ ಇಪ್ಪತ್ತು ವರ್ಷಗಳ ಹಿಂದೆ ರಾಧಮ್ಮ ಎಂಬವರ ಪತಿ ದಶರಥ ರೆಡ್ಡಿ ಎಂಬವರು ಇಡೀ ಕುಟುಂಬವನ್ನು ಬೀದಿಪಾಲು ಮಾಡಿ ಮನೆ ಬಿಟ್ಟು ಹೋಗಿದ್ದರು. ಅಂದಿನಿಂದ ಇಬ್ಬರು ಅಂಗವಿಕಲ ಗಂಡು ಮಕ್ಕಳನ್ನು ಸಾಕಿ ಸಲಹಿ ಬಳಲಿದ್ದ ತಾಯಿ ರಾಧಮ್ಮ ಜೀವನದಲ್ಲಿ ಜಿಗುಪ್ಸೆಗೊಂಡಿದ್ದರು ಎನ್ನಲಾಗಿದೆ.

  ಸ್ಥಳಕ್ಕೆ ಎಲೆಕ್ಟ್ರಾನಿಕ್ ಸಿಟಿಯ ವೃತ್ತ ನಿರೀಕ್ಷಕರಾದ ಕೆ.ವಿಶ್ವನಾಥ್ ಆಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.