ಸಂಜೋತ ರೈಲು ಸ್ಫೋಟ ಪ್ರಕರಣ- ನಾಲ್ವರು ಆರೋಪಿಗಳು ಖುಲಾಸೆ

•   Wed, Mar 20 2019 11:18:56 PM



• ನವದೆಹಲಿ,ಮಾ20(AZM): 2007ರ ಫೆಬ್ರವರಿ 18ರಂದು ನಡೆದ ಸಂಜೋತಾ ರೈಲು ಸ್ಫೋಟ ಪ್ರಕರಣದಲ್ಲಿ ಆರ್​ಎಸ್​ಎಸ್​ನ ಮಾಜಿ ಕಾರ್ಯಕರ್ತ ಸ್ವಾಮಿ ಅಸೀಮಾನಂದ ಸೇರಿ ನಾಲ್ವರು ಆರೋಪಿಗಳನ್ನು ಎನ್​ಐಎ ವಿಶೇಷ ನ್ಯಾಯಾಲಯ ಇಂದು ಖುಲಾಸೆಗೊಳಿಸಿ, ತೀರ್ಪು ನೀಡಿದೆ.

  

  ಅಸೀಮಾನಂದ ಸೇರಿದಂತೆ ಲೋಕೇಶ್​ ಶರ್ಮಾ, ಕಮಲ್​ ಚೌಹ್ಹಾಣ್ ಮತ್ತು ರಾಜೀಂದರ್ ಚೌಧರಿ ಸಂಜೋತಾ ಎಕ್ಸ್​ಪ್ರೆಸ್​ ರೈಲು ಸ್ಫೋಟದ ನಾಲ್ವರು ಆರೋಪಿಗಳಾಗಿದ್ದರು. ದಾಳಿಕೋರ ಸ್ಫೋಟಕಗಳನ್ನು ಸಾಗಿಸಲು ವಾಹನ ಒದಗಿಸಿದ ಆರೋಪದ ಮೇಲೆ ದಶಕದ ಹಿಂದೆ ಅಸೀಮಾನಂದನ ಮೇಲೆ ಮೂರು ಭಯೋತ್ಪಾದಕ ದಾಳಿ ಪ್ರಕರಣಗಳ ಮೇಲೆ ಕೇಸ್​ ದಾಖಲಾಗಿದ್ದವು.

  2007ರ ಫೆಬ್ರವರಿ 18ರಂದು ಹರಿಯಾಣದ ಪಾಣಿಪತ್​​ನಲ್ಲಿ ಸಂಜೋತಾ ಎಕ್ಸ್​ಪ್ರೆಸ್​ ರೈಲು ಸ್ಫೋಟಗೊಂಡಿದ್ದು, 2 ಬೋಗಿಗಳು ಸಂಪೂರ್ಣ ಸುಟ್ಟು, 68 ಮಂದಿ ಮೃತಪಟ್ಟಿದ್ದರು. . ಮೃತಪಟ್ಟವರಲ್ಲಿ ನಾಲ್ವರು ಭಾರತೀಯ ರೈಲ್ವೆ ಇಲಾಖೆ ಉದ್ಯೋಗಿಗಳು ಸೇರಿದಂತೆ ಪಾಕಿಸ್ತಾನದ ಪ್ರಜೆಗಳಾಗಿದ್ದರು.