ನಟಿ ತನಿಷಾಗೆ ಬ್ಲೂ ಫಿಲಂನಲ್ಲಿ ನಟಿಸ್ತೀರಾ? ಎಂದ ಯೂಟ್ಯೂಬರ್ - ಚಿತ್ರತಂಡದಿಂದ ತರಾಟೆ

•   Sun, Apr 02 2023 01:36:40 PM



• ಬೆಂಗಳೂರು, ಏ 02 (DaijiworldNews/MS): 'ಮಂಗಳಗೌರಿ ಮದುವೆ', 'ಇಂತಿ ನಿಮ್ಮ ಆಶಾ' ಮುಂತಾದ ಸೀರಿಯಲ್‌ಗಳಲ್ಲಿ ನಟಿಸಿರುವ ತನಿಷಾ ಕುಪ್ಪಂಡ ಏ.7ರಂದು ರಿಲೀಸ್‌ ಆಗುವ 'ಪೆಂಟಗನ್‌'ನಲ್ಲಿ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದಾರೆ.

  ಪೆಂಟಗನ್’ ಪ್ರಚಾರದಲ್ಲಿ ಚಿತ್ರತಂಡ ತೊಡಗಿಸಿಕೊಂಡಿದ್ದು ಇದರ ಭಾಗವಾಗಿ ತನಿಷಾ ಕುಪ್ಪಂಡ ಯೂಟ್ಯೂಬ್ ಸಂದಶರ್ನವೊಂದರಲ್ಲಿ ಭಾಗವಹಿಸಿದ್ದರು.ಆದರೆ ಈ ವೇಳೆ ಯೂಟ್ಯೂಬ್‌ ವಾಹಿನಿಯೊಂದಕ್ಕೆ ಸಂದರ್ಶನ ನೀಡುವ ಸಂದರ್ಭದಲ್ಲಿ ಯೂಟ್ಯೂಬರ್‌ರೊಬ್ಬರು, ‘ನೀವು ಬೆತ್ತಲೆ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತೀರಾ’ ಎಂದು ತನಿಷಾ ಅವರನ್ನು ಪ್ರಶ್ನೆ ಕೇಳಿದ್ದಾರೆ.

  ಇದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ ತನಿಷಾ'ಬೋಲ್ಡ್‌ ಆಗಿ ನಟಿಸಿದ್ದೇನೆ ಅಂದಮಾತ್ರಕ್ಕೆ ಈ ತರಹ ಪ್ರಶ್ನೆ ಕೇಳ್ತ್ತೀರಾ? ನೀಲಿಚಿತ್ರದ ತಾರೆಯರು ಬೆತ್ತಲಾಗುತ್ತಾರೆ. ನಾನು ನೀಲಿಚಿತ್ರದ ತಾರೆಯಲ್ಲ. ಯಾಕೆ ಈ ರೀತಿ ಕೇಳುತ್ತಿರಾ? ನಿಮಗೆ ಕಾಮನ್‌ಸೆನ್ಸ್‌ ಇಲ್ವಾ..ಮಾತನಾಡುವ ಮುನ್ನ ಎಚ್ಚರ ಇರಲಿ. ಕನ್ನಡ ಚಿತ್ರರಂಗದಲ್ಲಿ ಯಾವ ನಟಿಯೂ ನೀಲಿ ಚಿತ್ರಗಳಲ್ಲಿ ಕಾಣಿಸಿಕೊಂಡಿಲ್ಲ’ ಎಂದು ತಿರುಗೇಟು ನೀಡಿ ಸಂದರ್ಶನ ನಿಲ್ಲಿಸಿದ್ದಾರೆ.

  ಇದೇ ವೇಳೆ ಯೂಟ್ಯೂಬರ್‌ನ ‘ಪೆಂಟಗನ್’ ಚಿತ್ರತಂಡ ತರಾಟೆಗೆ ತೆಗೆದುಕೊಂಡಿದೆ. ಯೂಟ್ಯೂಬರ್ ವಿರುದ್ಧ ನಟಿ ತನಿಷ ಕುಪ್ಪಂಡ ಮತ್ತು ‘ಪೆಂಟಗನ್’ ಚಿತ್ರತಂಡ ಕಿಡಿಕಾರಿದೆ.