ಮೋದಿ ರಾಜಕೀಯ ಗುರು ಅಡ್ವಾಣಿಯನ್ನೇ ವೇದಿಕೆಯಿಂದ ಹೊರದಬ್ಬಿದ್ದಾರೆ - ರಾಹುಲ್

•   Sat, Apr 06 2019 03:09:01 PM



• ಮಹಾರಾಷ್ಟ್ರ, ಎಂ6(SS): ಪ್ರಧಾನಿ ಮೋದಿ ರಾಜಕೀಯ ಗುರು ಅಡ್ವಾಣಿಯನ್ನು ವೇದಿಕೆಯಿಂದ ಹೊರದಬ್ಬಿದವರು ಎಂದು ರಾಹುಲ್ ವಿವಾದಿತ ಹೇಳಿಕೆ ನೀಡಿ ಪ್ರಧಾನಿ ವಿರುದ್ಧ ಕಿಡಿಕಾರಿದ್ದಾರೆ.

  

  ಚುನಾವಣಾ ಪ್ರಚಾರ ಭಾಷಣ ಮಾಡಿದ ಅವರು, ಬಿಜೆಪಿ ಹಿಂದುತ್ವದ ಬಗ್ಗೆ ಮಾತನಾಡುತ್ತದೆ. ಹಿಂದು ಧರ್ಮದಲ್ಲಿ ಗುರುವೇ ಶ್ರೇಷ್ಠ. ಬಿಜೆಪಿಯು ಗುರುಶಿಷ್ಯ ಪರಂಪರೆ ಬಗ್ಗೆ ಸಾರಿ ಹೇಳುತ್ತದೆ. ಮೋದಿ ಅವರ ಗುರು ಯಾರು..? ಅಡ್ವಾಣಿ. ಪ್ರಧಾನಿ ನರೇಂದ್ರ ಮೋದಿ ಅವರು ಬಿಜೆಪಿ ವರಿಷ್ಠ ನೇತಾರ ಎಲ್‌.ಕೆ. ಅಡ್ವಾಣಿ ವೇದಿಕೆಯಿಂದ ಹೊರದಬ್ಬಿದ್ದಾರೆ ಎಂದು ಹೇಳಿದ್ದಾರೆ.

  ವಾಯುಪಡೆ ಮಾಡಿದ ಸರ್ಜಿಕಲ್‌ ದಾಳಿಯನ್ನು ತಾವೇ ಮಾಡಿದ್ದೆಂದು ಮೋದಿ ಹೇಳುತ್ತಾರೆ. ಸರ್ಜಿಕಲ್‌ ದಾಳಿ ಮಾಡಿಸಿದ್ದು ತಾವೇ ಎಂದು ಹೇಳಿಕೊಳ್ಳುವ ಪ್ರಧಾನಿ ನರೇಂದ್ರ ಮೋದಿಗೆ ಗನ್‌ ಹಿಡಿಯೋಕಾದ್ರೂ ಬರುತ್ತಾ....? ರೈಫಲ್‌ ಹಿಡಿಯೋದು ಹೇಗೆಂದು ತೋರಿಸ್ತೀರಾ ಮೋದೀಜಿ..? ಸಿಆರ್‌ಪಿಎಫ್‌ ಯೋಧರ ಹಾಗೆ 5 ನಿಮಿಷ ಗನ್‌ ಹಿಡ್ಕೊಳ್ಳಿ ಸಾಕು ಎಂದು ಸವಾಲ್ ಹಾಕಿದ್ದಾರೆ.