ಅಪ್ರಾಪ್ತೆ ಮೇಲೆ ಲೈಂಗಿಕ ದೌರ್ಜನ್ಯ- ಪೋಕ್ಸೋ ಕಾಯ್ದೆಯಡಿ ನಿರ್ದೇಶಕ ಅರೆಸ್ಟ್‌

•   Mon, Aug 21 2023 12:10:48 PM



• ಕೊಚ್ಚಿ, ಆ 21(DaijiworldNews/AK): ಸಿನಿಮಾದಲ್ಲಿ ನಟನೆಯ ಅವಕಾಶ ನೀಡುವುದಾಗಿ ಹೇಳಿ ಅಪ್ರಾಪ್ತೆಯನ್ನು ನಂಬಿಸಿ ಆಕೆಯನ್ನು ಲೈಂಗಿಕವಾಗಿ ಬಳಸಿಕೊಂಡ ಆರೋಪದ ಮೇಲೆ ಬಂದ ದೂರಿನ ಹಿನ್ನೆಲೆಯಲ್ಲಿ ಮಲಯಾಳಂ ನಿರ್ದೇಶಕ ಜಾಸಿಕ್ ಅಲಿ (36) ಯನ್ನು ಪೊಲೀಸರು ಬಂಧಿಸಿದ್ದಾರೆ.

  ಅಪ್ರಾಪ್ತೆಗೆ ನಟನೆಯಲ್ಲಿ ಅವಕಾಶ ನೀಡುತ್ತೇನೆ ಎಂದು ವಿವಿಧ ಸ್ಥಳಕ್ಕೆ ಕರೆದುಕೊಂಡು ಹೋಗಿ ಲೈಂಗಿಕವಾಗಿ ದೌರ್ಜನ್ಯವೆಸಗಿದ್ದಾರೆ ಎಂದು ದೂರಿನಲ್ಲಿ ಹೇಳಲಾಗಿದೆ.
  ದೂರಿನ ಹಿನ್ನೆಲೆಯಲ್ಲಿ ಕೋಝಿಕ್ಕೋಡ್ ಕುರುವಂಗಡ್ ಮೂಲದ ಜಾಸಿಕ್ ಅಲಿಯನ್ನು ನಡಕ್ಕಾವುವಿನ ಮನೆಯಲ್ಲಿ ಬಂಧಿಸಲಾಗಿದೆ.

  ದೂರು ದಾಖಲಾದ ಹಿನ್ನಲೆ ನಿರ್ದೇಶಕ ಜಾಸಿಕ್‌ ಪರಾರಿ ಆಗಲು ಯತ್ನಿಸಿದ್ದು, ನಾನಾ ಸ್ಥಳದಲ್ಲಿ ಅಡಗಿಕೊಂಡಿದ್ದ ಎನ್ನಲಾಗಿದೆ. ಪೊಲೀಸರು ವಿವಿಧ ಸ್ಥಳದಲ್ಲಿ ಹುಡುಕಾಟ ನಡೆಸಿ ಬಂಧಿಸಿದ್ದಾರೆ. ಪೋಕ್ಸೋ ಕಾಯ್ದೆಯಡಿ ಆತನನ್ನು ಬಂಧಿಸಲಾಗಿದ್ದು, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.