ಸಾಲಮಾಡಿ ವಿದೇಶಕ್ಕೆ ಓಡಿರುವ ವಿಜಯ್‌ ಮಲ್ಯಾ, ನೀರವ್‌ ಮೋದಿ ಯಾಕೆ ಇನ್ನು ಜೈಲು ಸೇರಿಲ್ಲ - ರಾಹುಲ್

•   Fri, Apr 12 2019 02:38:50 PM



• ತಮಿಳುನಾಡು, ಎ12(SS): ಭಾರಿ ಮೊತ್ತದ ಸಾಲಮಾಡಿ ವಿದೇಶಕ್ಕೆ ಪಲಾಯನ ಮಾಡಿರುವ ವಿಜಯ್‌ ಮಲ್ಯಾ, ನೀರವ್‌ ಮೋದಿಯನ್ನು ಪ್ರಧಾನಿಯವರು ಯಾಕೆ ಇನ್ನು ಜೈಲು ಸೇರಿಲ್ಲ ಎಂದು ರಾಹುಲ್‌ ಗಾಂಧಿ ಪ್ರಶ್ನಿಸಿದ್ದಾರೆ. 

  

  ಕಳೆದ 5 ವರ್ಷಗಳ ಅವಧಿಯಲ್ಲಿ ನರೇಂದ್ರ ಮೋದಿ ಅವರು ತಮ್ಮ 15 ಮಿತ್ರರಿಗಾಗಿ ಸರಕಾರ ನಡೆಸಿದ್ದಾರೆ. ನರೇಂದ್ರ ಮೋದಿ ಅವರ ಮಿತ್ರರು ಯಾರು ಗೊತ್ತೆ… ? ಅನಿಲ್‌ ಅಂಬಾನಿ, ಮೆಹುಲ್‌ ಚೊಸ್ಕಿ, ನೀರವ್‌ ಮೋದಿ ನರೇಂದ್ರ ಮೋದಿ ಅವರ ಮಿತ್ರರು ಎಂದು ಆರೋಪಿಸಿದ್ದಾರೆ. 

  ಕಾಂಗ್ರೆಸ್‌ಗೆ ಮತ ಚಲಾಯಿಸಿದರೆ ಬ್ಯಾಂಕ್‌ ಸಾಲವನ್ನು ತೀರಿಸಲಾಗದ ರೈತರನ್ನು ಜೈಲಿಗೆ ಕಳುಹಿಸುವುದಿಲ್ಲ. ಸಾಲ ತೀರಿಸದ ಶ್ರೀಮಂತರನ್ನು ಬಂಧಿಸದೆ ರೈತರನ್ನು ಜೈಲಿಗೆ ಹೋಗುವಂತೆ ಮಾಡುವುದು ಸರಿಯಲ್ಲ ಎಂದು ರಾಹುಲ್‌ ತಿಳಿಸಿದ್ದಾರೆ. 

  ಪ್ರಧಾನಿ ನರೇಂದ್ರ ಮೋದಿ ತನ್ನ 15 ಮಿತ್ರರಿಗಾಗಿ ಸರಕಾರವನ್ನು ನಡೆಸುತ್ತಿದ್ದಾರೆ. ಮೋದಿ ಅವರು ನೀರವ್‌ ಮೋದಿ ಅವರಿಗೆ 35,000 ಕೋಟಿ ರೂ. ಮತ್ತು ಮೆಹುಲ್‌ ಚೊಕ್ಸಿ ಅವರಿಗೆ 35,000 ಕೋಟಿ ರೂ. ಮತ್ತು ವಿಜಯ್‌ ಮಲ್ಯಾ ಅವರಿಗೆ 10,000 ಕೋಟಿ ರೂ. ನೀಡಿದ್ದಾರೆ ಎಂದು ಆರೋಪಿಸಿದ್ದಾರೆ.