ಸುಮಲತಾ ಅಂಬರೀಶ್ ಪಕ್ಷೇತರ ಅಭ್ಯರ್ಥಿಯಲ್ಲ;ಬಿಜೆಪಿ ಅಭ್ಯರ್ಥಿ-ಅವರನ್ನು ಸೋಲಿಸಿ-ಸಿದ್ದು

•   Fri, Apr 12 2019 07:52:46 PM



• ಮಂಡ್ಯ,ಏ12(AZM): ಸುಮಲತಾ ಅಂಬರೀಶ್ ಅವರು ಪಕ್ಷೇತರ ಅಭ್ಯರ್ಥಿ ಅಲ್ಲ ಬಿಜೆಪಿ ಅಭ್ಯರ್ಥಿ. ಹಾಗಾಗಿ ಸುಮಲತಾ ಅಂಬರೀಷ್​ ಅವರನ್ನು ಸೋಲಿಸಿ ಎಂದು ಮಂಡ್ಯದ ನಾಗಮಂಗಲದಲ್ಲಿ ನಡೆದ ಸಮಾವೇಶದಲ್ಲಿ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮತದಾರರಿಗೆ ಕರೆ ಕೊಟ್ಟಿದ್ದಾರೆ.

  

  ಇದೇ ವೇಳೆ ಅವರು ಬಿಜೆಪಿಯು ಕುರಬ ಜನಾಂಗ, ಅಲ್ಪಸಂಖ್ಯಾತರಿಗೆ ಒಂದು ಟಿಕೆಟ್ ನೀಡಿಲ್ಲ ಎಂದು ಕಿಡಿಕಾರಿದರು. ಇದೇ ವೇಳೆ ಅವರು ಮಾತನಾಡುತ್ತ ಸುಮಲತಾಗೆ ವೋಟ್​ ಹಾಕುವಂತೆ ನಾನು ಹೇಳಿರುವುದಾಗಿ ಹೇಳಿಕೊಂಡು ಕೆಲವರು ತಿರುಗುತ್ತಿದ್ದಾರೆ. ಅಂತಹವರು ಯಾರಾದರೂ ನಿಮ್ಮ ಬಳಿ ಬಂದರೆ ಅವರಿಗೆ ಮಂಗಳಾರತಿ ಎತ್ತಿ ಕಳುಹಿಸಿ, ನಾನು ಅವರಿಗೆ ಬೆಂಬಲ ಕೊಡಿ ಎಂದು ಹೇಳುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿದರು.

  ಇನ್ನು ಮೋದಿ ಮೈಸೂರಿಗೆ ಬಂದಾಗ ಬಹಿರಂಗವಾಗಿಯೇ ಸುಮಲತ ಅವರನ್ನು ಬೆಂಬಲಸಿದ್ದಾರೆ. ಹೀಗಾಗಿ . ಸುಮಲತಾ ಅವರು ಪಕ್ಷೇತರ ಅಭ್ಯರ್ಥಿ ಅಲ್ಲ ಬಿಜೆಪಿ ಅಭ್ಯರ್ಥಿ ಎಂದು ಸಿದ್ದರಾಮಯ್ಯ ಹೇಳಿದರು.