ರಾಹುಲ್‌ ಗಾಂಧಿಯ ನಾಮಪತ್ರ ಮತ್ತು ದಾಖಲೆಗಳು ಸರಿಯಾಗಿವೆ - ಅಮೇಠಿ ರಿಟರ್ನಿಂಗ್‌ ಆಫೀಸರ್‌

•   Mon, Apr 22 2019 03:14:17 PM



• ಅಮೇಠಿ, ಎ22(Daijiworld News/SS): ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ನಾಮಪತ್ರ ಅಮೇಠಿ ಲೋಕಸಭೆ ಕ್ಷೇತ್ರದಲ್ಲಿ ಸ್ಪರ್ಧಿಸಲು ಅರ್ಹವಾಗಿದೆ. ರಾಹುಲ್‌ ಸಲ್ಲಿಕೆ ಮಾಡಿರುವ ದಾಖಲೆಗಳೆಲ್ಲವೂ ಸರಿಯಾಗಿವೆ ಎಂದು ಅಮೇಠಿ ರಿಟರ್ನಿಂಗ್‌ ಆಫೀಸರ್‌ ತಿಳಿಸಿದ್ದಾರೆ.

  

  ಅಮೇಠಿ ಲೋಕಸಭೆ ಕ್ಷೇತ್ರದಿಂದ ಕಾಂಗ್ರೆಸ್‌ ಸ್ಪರ್ಧಿಯಾಗಿ ರಾಹುಲ್‌ ಗಾಂಧಿ ಸಲ್ಲಿಕೆ ಮಾಡಿರುವ ನಾಮಪತ್ರ ಅರ್ಹವಾಗಿದೆ. ಜತೆಗೆ ಸಲ್ಲಿಸಿರುವ ದಾಖಲೆಗಳು ಸರಿಯಾಗಿವೆ ಎಂದು ರಾಮ್‌ ಮನೋಹರ ಮಿಶ್ರಾ ಘೋಷಿಸಿದ್ದಾರೆ.

  ರಾಹುಲ್‌ ಗಾಂಧಿ ಅವರ ಪೌರತ್ವ ಮತ್ತು ಶೈಕ್ಷಣಿಕ ದಾಖಲೆಗಳ ವಿಚಾರಕ್ಕೆ ಸಂಬಂಧಿಸಿ ಏರ್ಪಟ್ಟಿದ್ದ ಗೊಂದಲಕ್ಕೆ ರಿಟರ್ನಿಂಗ್‌ ಆಫೀಸರ್‌ ರಾಮ್‌ ಮನೋಹರ ಮಿಶ್ರಾ ತೆರೆ ಎಳೆದಿದ್ದಾರೆ.

  ಶೈಕ್ಷಣಿಕ ದಾಖಲೆಗಳಲ್ಲಿ ಬ್ರಿಟನ್‌ನಲ್ಲಿ ರಾಹುಲ್‌ ವಿನ್ಸಿ ಎಂಬ ಹೆಸರಲ್ಲಿ ಎಂಫಿಲ್‌ ಮಾಡಿರುವ ಬಗ್ಗೆ ಮತ್ತು ರಾಹುಲ್‌ ಬ್ರಿಟನ್‌ ಪ್ರಜೆ ಎಂಬ ಬಗ್ಗೆ ಸಾಕಷ್ಟು ರಾಜಕೀಯ ವಾಗ್ವಾದಗಳು ನಡೆದಿದ್ದವು. ರಾಹುಲ್‌ ಭಾರತದ ಪ್ರಜೆಯೇ ಅಲ್ಲ, ಹಾಗಾಗಿ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಲು ಅರ್ಹರಲ್ಲ ಎಂದು ಬಿಜೆಪಿ ನಾಯಕರು ವಾದಿಸಿದ್ದರು.

  ಸ್ವತಂತ್ರ ಅಭ್ಯರ್ಥಿ ಮತ್ತು ಇತರ ಮೂವರು ರಾಹುಲ್‌ ಗಾಂಧಿ ಅವರ ನಾಮಪತ್ರ ಮತ್ತು ಸಲ್ಲಿಕೆ ಮಾಡಿರುವ ದಾಖಲೆಗಳ ಬಗ್ಗೆ ಆಕ್ಷೇಪ ವ್ಯಕ್ತ ಪಡಿಸಿದ್ದರು. ರಾಹುಲ್‌ ಗಾಂಧಿ ಪೌರತ್ವ ಮತ್ತು ಸಲ್ಲಿಕೆ ಮಾಡಿರುವ ದಾಖಲೆಗಳು ಸರಿಯಿಲ್ಲ ಎಂದು ಆಕ್ಷೇಪ ಸಲ್ಲಿಕೆ ಮಾಡಿದ್ದರು.