ರಾಮಮಂದಿರದ ರಾಮ್ ಲಲ್ಲಾನ ವಿಗ್ರಹದ ಮೊದಲ ಪೋಟೋ

•   Fri, Jan 19 2024 01:09:20 PM



• ಅಯೋಧ್ಯೆ, ಜ 19 (DaijiworldNews/MS):ಆಯೋಧ್ಯೆಯಲ್ಲಿ ನಡೆಯುವ ಭವ್ಯವಾದ 'ಪ್ರಾಣ ಪ್ರತಿಷ್ಠಾ' (ಪ್ರತಿಷ್ಠಾಪನೆ) ಸಮಾರಂಭದ ಮೊದಲು,  ರಾಮಮಂದಿರದ ಗರ್ಭಗುಡಿಯೊಳಗೆ ಸ್ಥಾಪಿಸಲಾದ ರಾಮ್ ಲಲ್ಲಾನ ವಿಗ್ರಹದ ಮೊದಲ ದೃಶ್ಯಗಳು ಹೊರಬಿದ್ದಿದೆ.

  ಮೈಸೂರು ಮೂಲದ ಕಲಾವಿದ ಅರುಣ್ ಯೋಗಿರಾಜ್ ಅವರು ಕಪ್ಪು ಕಲ್ಲಿನಿಂದ ಕೆತ್ತಿರುವ 51 ಇಂಚಿನ ರಾಮಲಲ್ಲಾ ವಿಗ್ರಹದ ಹೊಸ ಚಿತ್ರ ಶುಕ್ರವಾರ ಬಹಿರಂಗಪಡಿಸಲಾಯಿತು.

  ಇಂದು ಬೆಳಿಗ್ಗೆ ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಅವರು ಹಂಚಿಕೊಂಡಿರುವ ವಿಗ್ರಹದ ಮೊದಲ ಫೋಟೋದಲ್ಲಿ ಭಗವಾನ್ ಶ್ರೀರಾಮನನ್ನು ಐದು ವರ್ಷದ ಮಗುವಿನ ನಿಂತಿರುವ ಭಂಗಿಯಲ್ಲಿ ಚಿತ್ರಿಸಲಾಗಿದೆ.

  ಜನವರಿ 22 ರಂದು ನಡೆಯುವ 'ಪ್ರಾಣ ಪ್ರತಿಷ್ಠಾ' ಅಥವಾ ಪ್ರತಿಷ್ಠಾಪನೆ ಸಮಾರಂಭದ ಮೊದಲು ನಿನ್ನೆ ಅಯೋಧ್ಯೆಯ ರಾಮಮಂದಿರದೊಳಗೆ ಭಗವಾನ್ ರಾಮನ ನೂತನ ವಿಗ್ರಹವನ್ನು ಇರಿಸಲಾಯಿತು.