ಸಾನಿಯಾಗೆ ವಿಚ್ಚೇದನ ವದಂತಿ ನಡುವೆ, ನಟಿ ಸನಾ ವರಿಸಿದ ಪಾಕ್‌ ಕ್ರಿಕೆಟಿಗ ಶೋಯೆಬ್‌

•   Sat, Jan 20 2024 12:39:08 PM



• ನವದೆಹಲಿ,ಜ 20 (DaijiworldNews/MS):  ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್‌ ಮಲೀಕ್‌, ಭಾರತದ ಪ್ರಖ್ಯಾತ ಟೆನಿಸ್‌ ತಾರೆ ಸಾನಿಯಾ ಮಿರ್ಜಾ ದಂಪತಿಗಳ ವಿಚ್ಚೇದನ ವದಂತಿಗಳ ನಡುವೆ ಹೊಸ ಸುದ್ದಿಯೊಂದು ಹೊರಬಿದ್ದಿದೆ.

  ಮಾಜಿ ಕ್ರಿಕೆಟಿಗ ಮಲಿಕ್, ಪಾಕಿಸ್ತಾನಿ ನಟಿ ಸನಾ ಜಾವೇದ್ ಅವರನ್ನು ವಿವಾಹವಾಗಿದ್ದಾರೆ. ಶನಿವಾರ, ಜನವರಿ 20 ರಂದು ಈ ವಿವಾಹ ನಡೆದಿದ್ದು, ಈ ಬಗ್ಗೆ ಸಾಮಾಜಿಕ ಮಾಧ್ಯಮ X ನಲ್ಲಿ ಪೋಸ್ಟ್ ಮಾಡುವ ಮೂಲಕ ಮಲಿಕ್ ವಿವಾಹ ಸಮಾರಂಭದ ಪೋಟೋ ಹಂಚಿಕೊಂಡಿದ್ದಾರೆ.

  ಇದಕ್ಕೂ ಮುನ್ನ ಬುಧವಾರ ತಮ್ಮ ಸೋಶಿಯಲ್‌ ಮೀಡಿಯಾ ಪೇಜ್‌ನಲ್ಲಿ ಕುತೂಹಲದ ಪೋಸ್ಟ್‌ ಹಂಚಿಕೊಂಡಿದ್ದ ಸಾನಿಯಾ ಮಿರ್ಜಾ, ಪಾಕಿಸ್ತಾನದ ಕ್ರಿಕೆಟಿಗನ ಜೊತೆ ಡಿವೋರ್ಸ್‌ ಆಗುತ್ತಿರುವುದು ನಿಜ ಎನ್ನುವ ಅರ್ಥದಲ್ಲಿ ತಿಳಿಸಿದ್ದರು.

  2010 ರಲ್ಲಿ ಹೈದರಾಬಾದ್‌ನಲ್ಲಿ ಸಾಂಪ್ರದಾಯಿಕ ಮುಸ್ಲಿಂ ಸಮಾರಂಭದಲ್ಲಿ ವಿವಾಹವಾಗಿದ್ದ ಶೋಯೆಬ್‌ ಮಲೀಕ್‌ - ಸಾನಿಯಾ ನಂತರ ಪಾಕಿಸ್ತಾನದ ಸಿಯಾಲ್‌ಕೋಟ್‌ನಲ್ಲಿ ವಲೀಮಾ ಸಮಾರಂಭವನ್ನು ನಡೆಸಿದ್ದರು.ಇವರಿಗೆ 2018 ರಲ್ಲಿ ಜನಿಸಿದ ಇಜಾನ್ ಎಂಬ ಮಗನಿದ್ದಾನೆ.

  - Alhamdullilah ♥️
  
  "And We created you in pairs" وَخَلَقْنَاكُمْ أَزْوَاجًا pic.twitter.com/nPzKYYvTcV

  — Shoaib Malik 🇵🇰 (@realshoaibmalik) January 20, 2024