ಮೋದಿ ಹೇಳಿದ್ದನ್ನೇ ಹೇಳುತ್ತಿದ್ದಾರೆ, ಅವರ ಮಾತನ್ನು ಕೇಳಿ ಸಾಕುಸಾಕಾಗಿ ಹೋಗಿದೆ - ಪ್ರಧಾನಿ ವಿರುದ್ಧ ಟೀಕೆ

•   Thu, Apr 25 2019 08:52:54 AM



• ನವದೆಹಲಿ, ಎ25(Daijiworld News/SS): ಪ್ರಧಾನಮಂತ್ರಿ ಪುಂಗಿವೂದಿದ್ದನ್ನು ಕೇಳಿ ಕೇಳಿ ಸಾಕಾಗಿಹೋಯ್ತು ಎಂದು ಮಾಜಿ ಕೇಂದ್ರ ಹಣಕಾಸು ಸಚಿವ ಪಿ ಚಿದಂಬರಂ ವ್ಯಂಗ್ಯವಾಡಿದ್ದಾರೆ.

  

  ಉದ್ಯೋಗ, ರೈತರ ಸಮಸ್ಯೆಗಳು, ಅಪನಗದೀಕರಣ ಎಲ್ಲಾ ವರ್ಗದವರ ಭದ್ರತೆ, ಜಿಎಸ್ಟಿ ಮತ್ತು ಸಾಲದ ಬಗ್ಗೆ ಮೊದಲು ಪ್ರಧಾನಿಯವರು ಮಾತನಾಡಬಹುದೆಂದು ಜನ ನಿರೀಕ್ಷಿಸುತ್ತಿದ್ದಾರೆ. ಆದರೆ ಪ್ರಧಾನಿ ಹೇಳಿದ್ದನ್ನೇ ಹೇಳುತ್ತಿದ್ದಾರೆ ಎಂದು ಟೀಕಿಸಿದ್ದಾರೆ.

  ಲೋಕಸಭಾ ಚುನಾವಣೆಯ ಪ್ರತೀ ಪ್ರಚಾರದ ವೇಳೆಯೂ ಪ್ರಧಾನಮಂತ್ರಿ ನರೇಂದ್ರ ಮೋದಿ, ಹೇಳಿದ್ದನ್ನೇ ಹೇಳುತ್ತಿದ್ದಾರೆ. ಅವರ ಮಾತನ್ನು ಕೇಳಿ ಸಾಕುಸಾಕಾಗಿ ಹೋಗಿದೆ ಎಂದು ಟ್ವೀಟ್ ಮಾಡಿದ್ದಾರೆ.
  
  ಮೋದಿಯವರ ಪ್ರತೀ ಭಾಷಣದಲ್ಲೂ ಪಾಕಿಸ್ತಾನದ ವಿಚಾರವನ್ನು ಮೋದಿ ಪ್ರಸ್ತಾಪಿಸುತ್ತಿದ್ದಾರೆ. ಪಾಕಿಸ್ತಾನದ ವಿಚಾರದಲ್ಲಿ ಅವರು ತೆಗೆದುಕೊಂಡ ಕ್ರಮ ಏನು ಎನ್ನುವುದು ಗೊತ್ತಿದೆ. ಚುನಾವಣೆಯ ಪ್ರಚಾರ ಮುಗಿಯುವ ಮುನ್ನ, ಜನರ ಸಮಸ್ಯೆಯ ಬಗ್ಗೆ ಅವರು ಮಾತನಾಡುತ್ತಾರಾ ಎಂದು ಪ್ರಶ್ನಸಿದ್ದಾರೆ.