ರಾಹುಲ್ ಗಾಂಧಿ ಪ್ರಯಾಣಿಸುತ್ತಿದ್ದ ವಿಮಾನದಲ್ಲಿ ತಾಂತ್ರಿಕ ದೋಷ - ಸಭೆ ರದ್ದು

•   Fri, Apr 26 2019 11:52:45 AM



• ನವದೆಹಲಿ ಏ 26 (Daijiworld News/MSP): ಲೋಕಸಭಾ ಚುನಾವಣೆ ಅಂಗವಾಗಿ ಹಲವೆಡೆ ಶುಕ್ರವಾರ ಕಾಂಗ್ರೆಸ್ ​​ ಆಯೋಜಿಸಿದ ಪ್ರಚಾರ ಸಭೆಗಳು ರದ್ದಾಗಿದೆ. ದೆಹಲಿಯಿಂದ ಬಿಹಾರದ ಪಾಟ್ನಕ್ಕೆ ಆಗಮಿಸುತ್ತಿದ್ದ ಸಂದರ್ಭ ಕಾಂಗ್ರೆಸ್​​ ಅಧ್ಯಕ್ಷ ರಾಹುಲ್​​ ಗಾಂಧಿ ಅವರು ಪ್ರಯಾಣಿಸುತ್ತಿದ್ದ ವಿಮಾನದಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿದೆ. ಹೀಗಾಗಿ ದೆಹಲಿಗೆ ಮತ್ತೆ ರಾಹುಲ್ ವಾಪಾಸ್ ಆಗಿದ್ದಾರೆ.

  

  ಕಾಂಗ್ರೆಸ್ ಸಭೆ ಬಿಹಾರ ರಾಜ್ಯದ ಪಾಟ್ನ ಮತ್ತು ಸಮಷ್ಠಿಪುರಲ್ಲಿ , ಒರಿಸ್ಸಾ ರಾಜ್ಯದ ಬಾಲಸೂರ್​​, ಮಹಾರಾಷ್ಟ್ರದಲ್ಲಿ ರಾಹುಲ್​​ ನೇತೃತ್ವದಲ್ಲಿ ಸ್ಥಳೀಯ ನಾಯಕರ ಸಭೆ ನಡೆಯಬೇಕಿತ್ತು. ಆದರೆ ವಿಮಾನದಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡ ಪರಿಣಾಮ ಈ ಸಭೆಗಳು ರದ್ದಾಗಿದೆ.

  
  

  Engine trouble on our flight to Patna today! We’ve been forced to return to Delhi. Today’s meetings in Samastipur (Bihar), Balasore (Orissa) & Sangamner (Maharashta) will run late. Apologies for the inconvenience. pic.twitter.com/jfLLjYAgcO

  — Rahul Gandhi (@RahulGandhi) April 26, 2019

  
  ಈ ಬಗ್ಗೆ ಖುದ್ದು ಟ್ವೀಟ್ ಮಾಡಿರುವ ಕಾಂಗ್ರೆಸ್​​ ಅಧ್ಯಕ್ಷ ರಾಹುಲ್​​ ಗಾಂಧಿ, " ವಿಮಾನ ಇಂಜಿನ್ ನಲ್ಲಿ ತೊಂದರೆ ಕಾಣಿಸಿಕೊಂಡಿದೆ. ಹೀಗಾಗಿ ಪಾಟ್ನಾಗೆ ಬರಬೇಕಿದ್ದ ನಾವು ದೆಹಲಿಗೆ ಹಿಂತಿರುಗುತ್ತಿದ್ದೇವೆ. ಈ ಹಿನ್ನಲೆಯಲ್ಲಿ ಬಿಹಾರ ಸಮಷ್ಠಿಪುರ, ಒರಿಸ್ಸಾ ಮತ್ತು ಮಹರಾಷ್ಟ್ರದಲ್ಲಿ ನಡೆಯಬೇಕಿದ್ದ ಎಲ್ಲಾ ಸಭೆಗಳನ್ನು ಮುಂದೂಡಲಾಗಿದೆ. ಅಡಚಣೆಯಾಗಿರುವುದಕ್ಕೆ ಕ್ಷಮೆ ಇರಲಿ" ಎಂದು ಟ್ವೀಟ್ ಮಾಡಿದ್ದಾರೆ.