ಸರ್ವರ್ ಸಮಸ್ಯೆಯಿಂದ ಏರ್​​​ ಇಂಡಿಯಾ ಹಾರಾಟದಲ್ಲಿ ವ್ಯತ್ಯಯ - ಪ್ರಯಾಣಿಕರು ಏರ್​ಪೋರ್ಟ್​​​ನಲ್ಲೇ ಬಾಕಿ

•   Sat, Apr 27 2019 10:51:47 AM



• ನವದೆಹಲಿ,ಏ 27(Daijiworld News/MSP): ಏರ್​​​ ಇಂಡಿಯಾದ ಸಂಬಂಧಪಟ್ಟ ಮುಖ್ಯ ಸರ್ವರ್ ನಲ್ಲಿ​ ಶನಿವಾರ ಮುಂಜಾನೆ ಸಮಸ್ಯೆ ಕಾಣಿಸಿಕೊಂಡ ಹಿನ್ನೆಲೆ ಏರ್ ಇಂಡಿಯಾ ವಿಮಾನ ಹಾರಾಟದಲ್ಲಿ ವ್ಯತ್ಯಯ ಉಂಟಾಗಿದೆ.

  

  ಶನಿವಾರ ಮುಂಜಾನೆ 3.30 ಕ್ಕೆ ಸರ್ವರ್ ಡೌನ್ ಆಗಿದ್ದು ಪರಿಣಾಮ ಏರ್ ಇಂಡಿಯಾ ವಿಶ್ವದಾದ್ಯಂತ ಏರ್​ಲೈನ್ಸ್​ನ ವಿಮಾನ ಹಾರಾಟದಲ್ಲಿ ವ್ಯತ್ಯಯ ಉಂಟಾಗಿದೆ.

  ನಿಗದಿತ ಸಮಯಕ್ಕೆ ವಿಮಾನಗಳು ಹಾರಾಟ ನಡೆಸದೆ ಇದ್ದ ಕಾರಣ ಪ್ರಯಾಣಿಕರು ಏರ್​ಪೋರ್ಟ್​​​ನಲ್ಲೇ ಪರದಾಡುವಂತಾಗಿದೆ. ಇನ್ನು ಮುಂಬೈ ಹಾಗೂ ದೆಹಲಿ ವಿಮಾನ ನಿಲ್ದಾಣಗಳು ಪ್ರಯಾಣಿಕರಿಂದ ತುಂಬಿತುಳುಕುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಾಗೂ ವಿಡಿಯೋಗಳನ್ನ ಹಂಚಿಕೊಂಡು ಪ್ರಯಾಣಿಕರು ತೊಂದರೆಯ ಬಗ್ಗೆ ದೂರಿದ್ದಾರೆ.

  ಇನ್ನು ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಏರ್​ ಇಂಡಿಯಾ ಅಧ್ಯಕ್ಷ ಅಶ್ವನಿ ಲೋಹಾನಿ, ಏರ್​​ಲೈನ್ಸ್​ನ ಪ್ಯಾಸೆಂಜರ್​ ಸಿಸ್ಟಮ್​​ನಲ್ಲಿ ತಾಂತ್ರಿಕ ದೋಷ ಉಂಟಾಗಿದೆ. ಇದನ್ನ ಬೇಗನೆ ಸರಿಪಡಿಸುತ್ತೇವೆ ಅಂತ ಹೇಳಿದ್ದಾರೆ.

  Atleast 2000 people in Mumbai airport waiting because of the SITA software shutdown all over India. pic.twitter.com/TzYYFLE5vz

  — Gayathri Raguramm (@gayathriraguram) April 27, 2019