ಮಹಾರಾಷ್ಟ್ರದಲ್ಲಿ ನಕ್ಸಲರ ಅಟ್ಟಹಾಸ - ಬಾಂಬ್ ದಾಳಿಗೆ ಬಲಿಯಾದ 15 ಯೋಧರು

•   Wed, May 01 2019 03:12:19 PM



• ಮಹಾರಾಷ್ಟ್ರ,ಮೇ 1 (Daijiworld News/MSP): ಮಹಾರಾಷ್ಟ್ರದ ಗಡ್ ಚಿರೋಲಿಯಲ್ಲಿ ಬುಧವಾರ ನಕ್ಸಲರ ಐಇಡಿ ಬಾಂಬ್ ದಾಳಿ ನಡೆಸಿ ಗುಂಡಿನ ಮಳೆಗೆರೆದ ಪರಿಣಾಮ 15 ಮಂದಿ ಯೋಧರು ಹುತಾತ್ಮರಾದ ಘಟನೆ ಬುಧವಾರ ನಡೆದಿದೆ. ಸ್ಪೋಟದ ಪರಿಣಾಮ ಯೋಧರು ಸಂಚರಿಸುತ್ತಿದ್ದ ವಾಹನ ಛಿದ್ರಛಿದ್ರವಾಗಿದೆ.

  

  ಸಿ-60 ಕಮಾಂಡೋಗಳು, ಭದ್ರತಾ ನಿಗ್ರಹ ಪಡೆ, ಪೊಲೀಸರು ಕುರ್ಕೆಡಾ –ಕೊರ್ಚಿ ರಸ್ತೆಯಲ್ಲಿ ಗಸ್ತಿನಲ್ಲಿದ್ದಾಗ ಮಾವೋವಾದಿಗಳು ಈ ದಾಳಿ ನಡೆಸಿದ್ದಾರೆ. ಭದ್ರತಾಪಡೆಯ ವಾಹನದಲ್ಲಿ 15 ಮಂದಿ ಯೋಧರು ಇದ್ದರು ಎನ್ನಲಾಗಿದೆ.

  ಗಡ್ ಚಿರೋಲಿ ಕರ್ಕೇಡಾದಲ್ಲಿ ನಡೆಯುತ್ತಿದ್ದ ರಸ್ತೆ ಕಾಮಗಾರಿಯ ಭದ್ರತೆಗಾಗಿ ಈ ಪೊಲೀಸರನ್ನು ನಿಯೋಜಿಸಲಾಗಿತ್ತು. ಆದರೆ ಈ ವಾಹನವನ್ನು ಸ್ಪೋಟಿಸಿದ ನಕ್ಸಲರ ಗುಂಪು ರಸ್ತೆ ಕಾಮಗಾರಿ ನಡೆಸುತ್ತಿದ್ದ 30ಕ್ಕೂ ಅಧಿಕ ವಾಹನಗಳಿಗೆ ನಕ್ಸಲರು ಬೆಂಕಿ ಹಚ್ಚಿ ಪೈಶಾಚಿಕ ಕೃತ್ಯ ನಡೆಸಿದ್ದಾರೆ.