ಸೆಲ್ಫಿ ಹುಚ್ಚಿಗೆ ರೈಲು ಡಿಕ್ಕಿ ಹೊಡೆದು ಮೂವರು ಯುವಕರು ಬಲಿ

•   Wed, May 01 2019 05:51:03 PM



• ದೆಹಲಿ,ಮೇ1(DaijiworldNews/AZM):ರೈಲ್ವೇ ಹಳಿಯಲ್ಲಿ ಸೆಲ್ಫಿ ತೆಗೆಯಲು ಹೋಗಿ ಮೂವರು ಯುವಕರು ದಾರುಣವಾಗಿ ಮೃತಪಟ್ಟ ಘಟನೆ ಹರ್ಯಾಣದ ಪಾಣಿಪತ್ ಎಂಬಲ್ಲಿ ನಡೆದಿದೆ.

  

  ಪಾಣಿಪತ್ ನಲ್ಲಿ ವಿವಾಹ ಸಂಭ್ರಮದಲ್ಲಿ ಪಾಲ್ಗೊಳ್ಳಲು ನಾಲ್ವರು ಯುವಕರು ಆಗಮಿಸಿದ್ದು ಇವರು ರೈಲ್ವೆ ಹಳಿ ಬಳಿ ಸೆಲ್ಫಿ ತೆಗೆಯಲೆಂದು ಹೋಗಿದ್ದರು. ಇವರಲ್ಲಿ ಒಬ್ಬ ರೈಲ್ವೆ ಹಳಿಯಿಂದ ಹಾರಿ ತನ್ನ ಪ್ರಾಣ ಉಳಿಸಿಕೊಂಡಿದ್ದಾನೆ. ಉಳಿದ ಯುವಕರು ಸೆಲ್ಫಿ ತೆಗೆಯುತ್ತಿದ್ದಾಗ ರೈಲು ಬರುತ್ತಿರುವುದನ್ನು ಗಮನಿಸಿ ಪಕ್ಕದ ಇನ್ನೊಂದು ಹಳಿಗೆ ಹಾರಿದ್ದರು. ಆದರೆ ಇನ್ನೊಂದು ರೈಲು ಅವರು ಹಾರಿದ್ದ ಹಳಿಯಲ್ಲಿ ಬರುತ್ತಿತ್ತೆಂಬುದು ಅವರ ಅರಿವಿಗೆ ಬಂದಿರದ ಕಾರಣ ಮೂವರು ಬಲಿಯಾಗಿದ್ದಾರೆ.

  ಮೃತ ಪಟ್ಟವರಲ್ಲಿ ಇಬ್ಬರ ವಯಸ್ಸು 19 ಆಗಿದ್ದರೆ ಒಬ್ಬ 18 ವರ್ಷದ ಯುವಕನಾಗಿದ್ದಾನೆ.