'ನಿಮ್ಮ ಸಮಸ್ಯೆ ಏನೇ ಇದ್ದರು ಸಹಾಯಕ್ಕೆ ಬರುವುದು ನಾವೇ'- ಡಿಸಿಎಂ ಡಿಕೆಶಿ

•   Sun, Apr 07 2024 02:07:17 PM



• ಬೆಂಗಳೂರು, ಏ 07 (DaijiworldNews/AA): ಕುಡಿಯುವ ನೀರು ಇರಬಹುದು, ನಿಮ್ಮ ಸಮಸ್ಯೆ ಏನೇ ಇದ್ದರು ಸಹಾಯಕ್ಕೆ ಬರುವುದು ನಾವೇ. ಹೊರತು ದೆಹಲಿಯಿಂದ ಯಾರೂ ಬರಲ್ಲ ಎಂದು ಡಿಸಿಎಂ ಡಿ.ಕೆ ಶಿವಕುಮಾರ್ ತಿಳಿಸಿದ್ದಾರೆ.

  ಇಂದು ಪಾಪ ಕುಮಾರಸ್ವಾಮಿ ಅವರು ನಾನು ಮಹದಾಯಿ ಮಾಡೇ ಮಾಡ್ತೀನಿ ಎಂದು ಹೇಳುತ್ತಿದ್ದಾರೆ. ನಾನು ಮೇಕೆದಾಟು ಪಾದಯಾತ್ರೆ ಮಾಡಿದಾಗ ಬಿರಿಯಾನಿ ಕೊಟ್ಕೊಂಡು ಹೋಗ್ತಿದ್ದಾರೆ ಎಂದು ಹಾಸ್ಯ ಮಾಡಿದ್ದರು. ಎಷ್ಟು ನಡೆದಿದ್ದೇನೆ ಎಷ್ಟು ಹೋರಾಟ ಮಾಡಿದ್ದೇನೆ ಯಾರಿಗೋಸ್ಕರ ಮಾಡಿದ್ದೇನೆ..? ನಾನು ಅದೆಲ್ಲಾ ಮಾಡಿರುವುದು ರಾಜ್ಯದ ಜನತೆಗಾಗಿ ಎಂದರು.

  ನಮ್ಮ ಹೋರಾಟವನ್ನ ಅವರ ಕೈಲಿ ಸಹಿಸೋಕೆ ಆಗ್ತಿಲ್ಲ. ಜನರ ಬದುಕಿಗೆ ನಮ್ಮ ಹೋರಾಟ. ಬೆಂಗಳೂರು ಕುಡಿಯುವ ನೀರಿಗೆ ವಿಚಾರಕ್ಕೆ ಹೋರಾಟ. ನೀರಿನ ಇಲಾಖೆ ತೆಗೆದುಕೊಂಡಿರೋದೆ ಈ ಸಮಸ್ಯೆಯನ್ನು ಪರಿಹಾರ ಮಾಡಲು. ಜನರಿಗೆ ನಮ್ಮ ಮೇಲೆ ನಂಬಿಕೆ, ವಿಶ್ವಾಸವಿದೆ. ನಾನು ನುಡಿದಂತೆ ನಡೆದುಕೊಳ್ಳುತ್ತೇನೆ ಎಂದು ಹೇಳಿದರು.