ಕಾಂಗ್ರೆಸ್ ಆಂತರಿಕ ಸಮೀಕ್ಷಾ ವರದಿ-ಈ ಬಾರಿ ಬಿಜೆಪಿ ಸೋಲು ಖಚಿತ-ರಾಹುಲ್

•   Sat, May 04 2019 05:27:33 PM



• ಹೊಸದಿಲ್ಲಿ,ಮೇ04(DaijiworldNews/AZM): ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಸೋಲಲಿದೆ ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಭವಿಷ್ಯ ನುಡಿದಿದ್ದಾರೆ. 2019ರ ಲೋಕಸಭಾ ಚುನಾವಣೆಯಲ್ಲಿ ನಾಲ್ಕು ಹಂತದ ಮತದಾನ ನಡೆದಿದ್ದು,ಈ ಹಿನ್ನಲೆ ತಮ್ಮ ಪಕ್ಷ ನಡೆಸಿರುವ ಸಮೀಕ್ಷೆಯಲ್ಲಿ ಈ ಸಂಗತಿ ತಿಳಿದುಬಂದಿದೆ ಎಂದೂ ಅವರು ತಿಳಿಸಿದರು. 

  

  ಈ ಕುರಿತು ದೆಹಲಿ ಕಾಂಗ್ರೆಸ್ ಕಾರ್ಯಾಲಯದಲ್ಲಿ ನಡೆದ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ರಾಹುಲ್, ಐದು ವರ್ಷಗಳ ಹಿಂದೆ ಮೋದಿಯನ್ನು ಸೋಲಿಸಲಾಗದು ಎಂದು ಹೇಳಲಾಗುತ್ತಿತ್ತು ಮತ್ತು ಮುಂದಿನ 10 – 15 ವರ್ಷಗಳ ಕಾಲ ಆವರೇ ಆಡಳಿತ ನಡೆಸುವರು ಎನ್ನಲಾಗುತ್ತಿತ್ತು; ಆದರೆ ಕಾಂಗ್ರೆಸ್‌ ಈಗ ಅವರನ್ನು ಧ್ವಂಸಗೊಳಿಸಿದೆ ಎಂದು ಹೇಳಿದರು. ಬಿಜೆಪಿಯ ಟೊಳ್ಳು ಕಟ್ಟಡ ಇನ್ನು ಹದಿನೈದು ದಿನಗಳ ಒಳಗೆ ಕುಸಿದು ಬೀಳಲಿದೆ ಎಂದು ರಾಹುಲ್‌ ಭವಿಷ್ಯ ನುಡಿದರು.

  ಸುದ್ದಿಗೋಷ್ಠಿಯಲ್ಲಿ ಕಾಂಗ್ರೆಸ್‌ ನಾಯಕರಾದ ಪಿ ಚಿದಂಬರಂ, ಅಹ್ಮದ್‌ ಪಟೇಲ್‌, ಆನಂದ್‌ ಶರ್ಮಾ ಮತ್ತು ರಣದೀಪ್‌ ಸುರ್‌ಜೇವಾಲಾ ಇದ್ದರು.