ದಾಖಲೆ ಸಹಿತ ಪ್ರಧಾನಿ ವಿರುದ್ಧ ವ್ಯಂಗ್ಯವಾಡಿದ ರಮ್ಯಾ

•   Mon, May 13 2019 08:12:18 AM



• ಬೆಂಗಳೂರು,ಮೇ13(DaijiworldNews/AZM):ಪ್ರಧಾನಿ ಮೋದಿ ಮಾಡುವ ಸಂದರ್ಶನಗಳೆಲ್ಲಾವೂ ಸ್ಕ್ರಿಪ್ಟೆಡ್. ಹಾಗಾಗಿ ಅವರು ರಾಹುಲ್ ಗಾಂಧಿ ಜೊತೆ ಡಿಬೇಟ್ ಮಾಡಲು ಒಪ್ಪಿಕೊಳ್ಳುತ್ತಿಲ್ಲ ಎಂದು ನಟಿ ಕಾಂಗ್ರೆಸ್​ನ ಸೋಶಿಯಲ್​ ಮೀಡಿಯಾ ಮುಖ್ಯಸ್ಥೆ ರಮ್ಯಾ ಮೋದಿ ವಿರುದ್ಧ ವ್ಯಂಗ್ಯವಾಡಿದ್ದಾರೆ.

  

  ಈ ಕುರಿತು ದಾಖಲೆ ಸಹಿತ ಟ್ವೀಟ್ ಮಾಡಿದ ರಮ್ಯಾ,ಶನಿವಾರದಂದು ಪ್ರಧಾನಿ ಮೋದಿ ಖಾಸಗಿ ಚಾನೆಲ್​ವೊಂದಕ್ಕೆ ಸಂದರ್ಶನ ನೀಡಿದ್ದ ವೀಡಿಯೋವೊಂದನ್ನು ಅಪ್ ಲೋಡ್ ಮಾಡಿದ್ದಾರೆ. ಈ ವಿಡಿಯೋವನ್ನ ಸರಿಯಾಗಿ ಗಮಿನಿಸಿ. ವಿಡಿಯೋದ ಮೊದಲ ಮೂರು ಸೆಕೆಂಡ್​ಗಳಲ್ಲಿ ಸಂದರ್ಶನದ ಪ್ರಶ್ನೆ ಮತ್ತು ಉತ್ತರಗಳೆರೆಡು ಮೋದಿಯವರ ಕೈಯಲ್ಲಿರುವುದು ಕಾಣುತ್ತದೆ. ಸಂದರ್ಶನಕ್ಕೆ ಯಾರಾದರೂ ಪ್ರಶ್ನೋತ್ತರಗಳನ್ನು ಮೊದಲೇ ಬರೆದುಕೊಂಡು ಬರುತ್ತಾರಾ? ಆದರೆ ಇಲ್ಲಿ ಕೇಳುವ ಪ್ರಶ್ನೆಗಳಿಗೆ ಮೊದಲೇ ಪ್ರಧಾನಿ ಅವರು ರೆಡಿಯಾಗಿ ಬಂದಿದ್ದಾರೆ. ಇತರ ಸಂದರ್ಶನಕ್ಕೆ ಹೋಲಿಸಿದ್ರೆ, ತುಂಬಾ ಕೆಟ್ಟದ್ದು ಎಂದು ಪೋಸ್ಟ್​ ಮಾಡಿದ್ದಾರೆ. ಅಲ್ಲದೇ, ರಾಹುಲ್​ ಗಾಂಧಿ ಅವರ ಜೊತೆಗೆ ಮೋದಿ ಡಿಬೇಟ್​ ಯಾಕೆ ಮಾಡಲ್ಲ ಎಂಬುದು ಈಗ ತಿಳಿದಿದೆ ಎಂದು ವ್ಯಂಗ್ಯವಾಡಿದ್ದಾರೆ.

  ಇನ್ನೊಂದೆಡೆ ಸಂದರ್ಶನದಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ್ದ ಪ್ರಧಾನಿ 1988 ರಲ್ಲಿ ತಮ್ಮ ಬಳಿ ಡಿಜಿಟಲ್​ ಕ್ಯಾಮರಾ ಇತ್ತು, ಹಾಗೂ ಫೋಟೋವೊಂದನ್ನು ಇಮೇಲ್​ ಕಳುಹಿಸಿದ್ದೆ ಎಂದು ಹೇಳಿದ್ದರು. ಇದನ್ನೇ ಪ್ರಶ್ನಿಸಿರುವ ರಮ್ಯಾ, ಪ್ರಧಾನಿ ಮೋದಿ ಅವರು 1988ರಲ್ಲಿ ಇಮೇಲ್​ ಐಡಿ ಹೊಂದಿದ್ದೇನೆ ಎಂದು ಹೇಳಿದ್ದರು. ಆದ್ರೆ, ಅಂದು ಇಡೀ ಜಗತ್ತೇ ಇಮೇಲ್​ ಬಳಸುತ್ತಿರಲಿಲ್ಲ. ಹೀಗಿರುವಾಗ ಮೋದಿ ಅವರು ಅದ್ಯಾರಿಗೆ ಇಮೇಲ್​ ಕಳಿಸಿದ್ರು ಎಂದು ಕಾಲೆಳೆದರು.