ಮೇ.23ರಂದು ಚುನಾವಣಾ ಫಲಿತಾಂಶ- ಬೆಂಗಳೂರಿನಾದ್ಯಂತ ಬಿಗಿ ಬಂದೋಬಸ್ತ್

•   Mon, May 20 2019 03:03:21 PM



• ಬೆಂಗಳೂರು,ಮೇ 20(DaijiworldNews/AZM):ಮೇ 23ರಂದು ಲೋಕಸಭಾ ಚುನಾವಣೆಯ ಫಲಿತಾಂಶ ಹೊರಬೀಳಲಿರೋ ಹಿನ್ನೆಲೆ ನಗರದಾದ್ಯಂತ ಸಂಪೂರ್ಣ ಬಂದೋಬಸ್ತ್‌ ಗೆ ಸಿದ್ಧತೆ ನಡೆಸಲಾಗುತ್ತಿದೆ ಎಂದು ನಗರ ಪೊಲೀಸ್ ಆಯುಕ್ತ ಸುನೀಲ್ ಕುಮಾರ್ ಮಾಹಿತಿ ನೀಡಿದ್ದಾರೆ.

  

  7 ಡಿಸಿಪಿಗಳು, 22 ಎಸಿಪಿಗಳು, 77 ಇನ್ಸ್​​​ಪೆಕ್ಟರ್​ಗಳು, 180 ಸಬ್​ ಇನ್ಸ್​​ಪೆಕ್ಟರ್​​ಗಳು ಸೇರಿದಂತೆ 2000 ಪೊಲೀಸ್ ಸಿಬ್ಬಂದಿಯನ್ನು ಬಂದೋಬಸ್ತ್​ಗೆ ನೇಮಕ ಮಾಡಲಾಗಿದೆ. ಹಾಗೇ ಎರಡು ಪ್ಯಾರಾ ಮಿಲಿಟರಿ ಪಡೆ, 23 ಕೆಎಸ್​​​ಆರ್​ಪಿ ತುಕಡಿಗಳನ್ನ ನಿಯೋಜಿಸಲಾಗುತ್ತದೆ. ಪ್ರತೀ ಸೆಂಟರ್‌ನಿಂದ ನೂರು ಮೀಟರಿಗೆ ಬೌಂಡರಿ ನಿರ್ಮಾಣ ಮಾಡಲಾಗುತ್ತದೆ, ಐಡಿ ಇರುವವರಿಗೆ ಮಾತ್ರ ಮತ ಎಣಿಕೆ ಸೆಂಟರ್​ ಒಳಗೆ ಬಿಡಲಾಗುವುದು. ಮಾಧ್ಯಮದವರಿಗೆ ಮೀಡಿಯಾ ರೂಮ್​​ವರೆಗೂ ಮಾತ್ರ ಎಂಟ್ರಿ ಇರುತ್ತದೆ ಎಂದು ತಿಳಿಸಿದ್ದಾರೆ.

  23ರಂದು ಬೆಳಗ್ಗೆ 6 ರಿಂದ ಮಧ್ಯರಾತ್ರಿ 12ರವರೆಗೆ 144 ಸೆಕ್ಷನ್ ಜಾರಿ ಮಾಡಲಾಗುತ್ತದೆ ಹಾಗೂ ಮದ್ಯ ಮಾರಾಟ ನಿಷೇಧವಿರುತ್ತದೆ ಎಂದು ಅವರು ತಿಳಿಸಿದ್ದಾರೆ.