ತುಲಾಭಾರ ಸೇವೆ ವೇಳೆ ಅವಘಡ - ತಕ್ಕಡಿ ಬಿದ್ದು ಸೋದೆ ಸ್ವಾಮೀಜಿಯ ತಲೆಗೆ ಗಾಯ

•   Wed, May 22 2019 08:04:19 PM



• ದಾವಣಗೆರೆ, ಮೇ22(Daijiworld News/SS): ತುಲಾಭಾರ ನಡೆಯುತ್ತಿದ್ದಾಗ ಕೊಂಡಿ ಕಳಚಿ ತಕ್ಕಡಿ ಬಿದ್ದಿದ್ದರಿಂದ ಸೋದೆ ವಾದಿರಾಜ ಮಠದ ವಿಶ್ವವಲ್ಲಭ ಸ್ವಾಮೀಜಿಯ ತಲೆಗೆ ಗಾಯವಾಗಿರುವ ಘಟನೆ ನಡೆದಿದೆ.

  

  ಉಡುಪಿ ಅಷ್ಟಮಠಗಳಲ್ಲಿ ಒಂದಾಗಿರುವ ಸೋದೆ ಮಠದ ದೈವಜ್ಞ ಬ್ರಾಹ್ಮಣ ಶಿಷ್ಯವೃಂದವು ಗೌರಮ್ಮ ನರಹರಿಶೇಟ್‌ ಸಭಾಭವನದಲ್ಲಿ ತುಲಾಭಾರ ಕಾರ್ಯಕ್ರಮವನ್ನು ಆಯೋಜನೆ ಮಾಡಿತ್ತು. ಪಟ್ಟದೇವರ ಪೂಜೆ, ಸಾಮೂಹಿಕ ಪಾದಪೂಜೆ ನಂತರ ತುಲಾಭಾರ ಏರ್ಪಡಿಸಲಾಗಿತ್ತು. ಈ ವೇಳೆ ಕೊಂಡಿ ಕಳಚಿ ತಕ್ಕಡಿ ಬಿದ್ದು ಅವಘಡ ಸಂಭವಿಸಿದೆ.

  ಭಕ್ತರು ಅಕ್ಕಿ, ಬೆಲ್ಲ, ಹಣ್ಣುಗಳೊಂದಿಗೆ ಶ್ರೀಗಳ ತುಲಾಭಾರ ನೆರವೇರಿಸುವ ವೇಳೆ ತಕ್ಕಡಿ ಕೊಂಡಿ ಕಳಚಿದ್ದರಿಂದ ಸ್ವಾಮೀಜಿಯ ತಲೆಗೆ ಏಟು ಬಿದ್ದಿದೆ. ತಕ್ಷಣ ವೈದ್ಯರನ್ನು ಕರೆಸಿ ಸೋದೆ ವಾದಿರಾಜ ಮಠದ ವಿಶ್ವವಲ್ಲಭ ಸ್ವಾಮೀಜಿಯವರಿಗೆ ಪ್ರಥಮ ಚಿಕಿತ್ಸೆ ಕೊಡಿಸಲಾಗಿದೆ.