ಇಂಗ್ಲೆಂಡ್: ಅಭ್ಯಾಸ ಪಂದ್ಯದಲ್ಲಿ ಮಿಂಚಿದ ಧೋನಿ, ಲೀಗ್ ಪಂದ್ಯದಲ್ಲೂ ನೀಡಬೇಕಿದೆ ನಿರೀಕ್ಷಿತ ಪ್ರದರ್ಶನ

•   Tue, May 28 2019 09:17:49 PM



• ಇಂಗ್ಲೆಂಡ್, ಮೇ 28 (Daijiworld News/SM): ವಿಶ್ವಕಪ್ ಕ್ರಿಕೆಟ್ ನ ಅಭ್ಯಾಸ ಪಂದ್ಯಗಳು ಆರಂಭಗೊಂಡಿವೆ. ಬಾಂಗ್ಲಾ ವಿರುದ್ಧ ನಡೆಯುತ್ತಿರುವ ಎರಡನೇ ಅಭ್ಯಾಸ ಪಂದ್ಯದಲ್ಲಿ ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್​ ಧೋನಿ ಅಬ್ಬರಿಸಿದ್ದಾರೆ. ಹಾಗೂ ಎದುರಾಳಿಗಳಿಗೆ ತನ್ನ ಸಾಮಾರ್ಥ್ಯ ಪ್ರದರ್ಶಿಸಿದ್ದು, ಶತಕ ಸಿಡಿಸುವ ಮಿಂಚಿದ್ದಾರೆ.

  

  ಧೋನಿಗೆ ಪ್ರಾಯ 37 ಆದರೂ ಯುವ ಕ್ರಿಕೆಟಿಗರಂತೆ ಕೀಪಿಂಗ್​, ರನ್ನಿಂಗ್​ ಮಾಡುವ ಧೋನಿ ಇಂದು ಬ್ಯಾಟಿಂಗ್​ನಲ್ಲೂ ಕೂಡ ತಮ್ಮ ತಾಕತ್ತು ಪ್ರದರ್ಶಿಸಿದ್ದಾರೆ. ಕೇವಲ 73 ಎಸೆತಗಳಲ್ಲಿ ಶತಕಗಳಿಸಿ ಮಿಂಚಿದ್ದಾರೆ. ತಂಡದ ಮೊತ್ತ 102ಕ್ಕೆ 4 ವಿಕೆಟ್​ ಇದ್ದ ಸಂದರ್ಭದಲ್ಲಿ ಕ್ರೀಸಿಗಿಳಿದ ಧೋನಿ ಕನ್ನಡಿಗ ಕೆ.ಎಲ್.​​ ರಾಹುಲ್​ ಜೊತೆ ಸೇರಿ 5ನೇ ವಿಕೆಟ್​ಗೆ 164 ರನ್​ಗಳ ಜೊತೆಯಾಟವಾಡಿದರು.

  ರಾಹುಲ್​ ಔಟಾದ ನಂತರ ಪಾಂಡ್ಯ ಜೊತೆಗೂಡಿ 59 ರನ್​ ಜೊತೆಯಾಟ ಆಡಿದ್ದಲ್ಲದೆ ಈ ಅಭ್ಯಾಸ ಪಂದ್ಯದಲ್ಲಿ ಟೀಂ ಇಂಡಿಯಾದ ಸ್ಕೋರ್ 300 ಗಡಿದಾಟಿಸಿದರು. 72 ಎಸೆತದಲ್ಲಿ 99ರನ್​ಗಳಿಸಿದ್ದ ಧೋನಿ 73ನೇ ಎಸೆತವನ್ನು ಸಿಕ್ಸರ್​ಗಟ್ಟಿ ಎದುರಾಳಿಗಳಿಗೆ ಶಾಕ್ ನೀಡಿದರು. ತಾನು ಎದುರಿಸಿದ 78 ಎಸೆತಗಳಲ್ಲಿ 113 ರನ್​ ಸಿಡಿಸಿದ ಧೋನಿ ಎಲ್ಲರ ಮನ ಗೆದ್ದರು.

  ಸದ್ಯ ಅಭ್ಯಾಸ ಪಂದ್ಯದಲ್ಲೇನೋ ಧೋನಿ ಮಿಂಚಿದ್ದಾರೆ, ಶತಕ ಸಿಡಿಸಿದ್ದಾರೆ. ಆದರೆ, ಈ ಫಾರ್ಮ್ ಮುಂದೆ ನಡೆಯಲಿರುವ ಲೀಗ್ ಪಂದ್ಯಗಳಲ್ಲಿ ಪ್ರದರ್ಶಿಸುವ ಅಗತ್ಯವಿದೆ. ಲೀಗ್ ಪದ್ಯಗಳಲ್ಲಿ ಪ್ರಚಂಡ ಆಟ ಪ್ರದರ್ಶನಗೊಂಡಲ್ಲಿ ಮತ್ತೊಮ್ಮೆ ಟೀಂ ಇಂಡಿಯಾ ಪಾಲಿಗೆ ವಿಶ್ವಕಪ್ ಕಿರೀಟ ಸಿಗುವುದರಲ್ಲಿ ಅನುಮಾನವೇ ಇಲ್ಲ.