ಮುಂಬೈ: ವಿಶ್ವ ಕದನದಲ್ಲಿ ಟೀಂ ಇಂಡಿಯಾ ಪಾಕ್ ಗೆ ಶರಣಾಗಲ್ಲ-ರೈನಾ

•   Sun, Jun 02 2019 10:10:27 PM



• ಮುಂಬೈ, ಜೂ 02: (Daijiworld News/SM): ಕಳೆದ 11 ಬಾರಿ ನಡೆದ ವಿಶ್ವಕಪ್‌ನಲ್ಲಿ ಪಾಕಿಸ್ತಾನ ವಿರುದ್ಧ ಭಾರತ ಸೋಲುಂಡಿಲ್ಲ. ಈ ಬಾರಿಯೂ ಪಾಕಿಸ್ತಾನಕ್ಕೆ ಭಾರತ ತಲೆ ಬಾಗಲ್ಲ ಎಂದು ಟೀಂ ಇಂಡಿಯಾದ ಎಡಗೈ ಹಿಟ್ಟರ್ ಸುರೇಶ್ ರೈನಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

  

  ಇಲ್ಲಿಯ ತನಕ ನಡೆದ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ಇದುವರೆಗೂ 6 ಸಲ ಪಾಕಿಸ್ತಾನದ ಜತೆಯಲ್ಲಿ ಸೆಣಸಾಟ ನಡೆಸಿದ್ದು, 6 ಬಾರಿಯೂ ಗೆಲುವು ದಾಖಲಿಸಿದೆ. ಇದ್ದು ಈ ಬಾರಿಯ ತಂಡದ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ.

  2019ರ ವಿಶ್ವಕಪ್​ನಲ್ಲಿ ಭಾರತ ತಂಡ ಮ್ಯಾಚೆಂಸ್ಟರ್‌ನಲ್ಲಿ ಜೂನ್​ 16ರಂದು ಪಾಕಿಸ್ತಾನದ ವಿರುದ್ಧ ಮುಖಾಮುಖಿಯಾಗಲಿದೆ. ಈ ಹೈ ವೋಲ್ಟೇಜ್ ಪಂದ್ಯಕ್ಕೆ ಇಡೀ ವಿಶ್ವವೇ ಕಾತರದಿಂದ ಕಾಯುತ್ತಿದೆ. ಭಾರತ ತಂಡದ ಆಟಗಾರರು ಪಾಕಿಸ್ತಾನ ವಿರುದ್ಧದ ಪಂದ್ಯದ ಬಗ್ಗೆ ಯೋಚನೆ ಮಾಡುವುದಿಲ್ಲ ಎಂಬುದು ನನ್ನ ಅಭಿಪ್ರಾಯವಾಗಿದೆ ಎಂದು ರೈನಾ ಪ್ರತಿಕ್ರಿಯೆ ನೀಡಿದ್ದಾರೆ.