'ನನ್ನಲ್ಲಿನ ಕ್ರಿಕೆಟ್ ಕೊನೆಗೊಳ್ಳುವುದಿಲ್ಲ' - ಡ್ರೆಸ್ಸಿಂಗ್ ರೂಮ್‌ನಲ್ಲಿ ಭಾವುಕರಾದ ಅಶ್ವಿನ್

•   Thu, Dec 19 2024 01:02:35 PM



• ಮುಂಬೈ, ಡಿ.19(DaijiworldNews/TA): ನಿವೃತ್ತಿಯ ನಂತರ ಅಶ್ವಿನ್ ಡ್ರೆಸ್ಸಿಂಗ್ ರೂಮ್‌ನಲ್ಲಿ ಭಾವುಕರಾಗಿ ಮಾತನಾಡಿದ್ದಾರೆ. ನನ್ನ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೆರಿಯರ್ ಅಂತ್ಯವಾಗುತ್ತಿದೆ ಹೊರತು, ನನ್ನಲ್ಲಿನ ಕ್ರಿಕೆಟ್ ಕೊನೆಗೊಳ್ಳುವುದಿಲ್ಲ. ಎಂದು ಹೇಳಿದ್ದಾರೆ.

  

  ಸ್ಬೇನ್​ನಲ್ಲಿ ನಡೆದ ಗಾಬಾ ಟೆಸ್ಟ್ ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಕಾಣಿಸಿಕೊಂಡ ಅಶ್ವಿನ್ ತಮ್ಮ ನಿವೃತ್ತಿ ನಿರ್ಧಾರವನ್ನು ಪ್ರಕಟಿಸಿದ್ದರು. ಈ ಮೂಲಕ ಟೀಮ್ ಇಂಡಿಯಾದ ಲೆಜೆಂಡ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಹೇಳಿದ್ದಾರೆ.

  ನಾನು ಎಲ್ಲರ ಪರಿವರ್ತನೆಯನ್ನು ನೋಡಿದ್ದೇನೆ. ರಾಹುಲ್ ದ್ರಾವಿಡ್, ಸಚಿನ್ ತೆಂಡೂಲ್ಕರ್ ಸೇರಿದಂತೆ ಎಲ್ಲಾ ವಿದಾಯವನ್ನು ನೋಡಿದ್ದೇನೆ. ಎಲ್ಲರಿಗೂ ಸಮಯ ಬರುತ್ತದೆ. ಇದು ನಿಜವಾಗಿಯೂ ನನ್ನ ಸಮಯ. ನಾನು ಅದನ್ನು ಸಂಪೂರ್ಣವಾಗಿ ಆನಂದಿಸಿದೆ. ನಾನು ಅನೇಕ ಉತ್ತಮ ಸಂಬಂಧಗಳನ್ನು ಹೊಂದಿದ್ದೇನೆ.

  ಕಳೆದ 4-5 ವರ್ಷಗಳಿಂದ ಸಹ ಆಟಗಾರರೊಂದಿಗೆ ಉತ್ತಮ ಫ್ರೆಂಡ್​ಶಿಪ್​ನಲ್ಲಿದ್ದೆ. ಇದೀಗ ಆ ಆಟಗಾರರನ್ನು ಬಿಟ್ಟು ಹೋಗುತ್ತಿದ್ದೇನೆ. ನನ್ನ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೆರಿಯರ್ ಅಂತ್ಯವಾಗುತ್ತಿದೆ ಹೊರತು, ನನ್ನಲ್ಲಿನ ಕ್ರಿಕೆಟ್ ಕೊನೆಗೊಳ್ಳುವುದಿಲ್ಲ.ಎಂಬುವುದಾಗಿ ಭಾವುಕ ನುಡಿಗಳನ್ನಾಡಿದ್ದಾರೆ.