ನನ್ನ ಮಗನ ಯಶಸ್ಸಿಗೆ ವಿರಾಟ್ ಕೊಹ್ಲಿ ಕಾರಣ- ಯಶ್ ದಯಾಳ್ ತಂದೆ ಶ್ಲಾಘನೆ

•   Sun, May 04 2025 06:40:31 PM



• ಮುಂಬೈ, ಮೇ. 04 (DaijiworldNews/AK):ಮೇ 3 ರಂದು ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗೆಲುವು ಸಾಧಿಸುವಲ್ಲಿ ತಂಡದ ವೇಗದ ಬೌಲರ್ ಯಶ್ ದಯಾಳ್ ಪ್ರಮುಖ ಪಾತ್ರವಹಿಸಿದರು.

  ಕೊನೆಯ ಓವರ್​ನಲ್ಲಿ ಸಿಎಸ್​ಕೆ ಗೆಲುವಿಗೆ 15 ರನ್​​ಗಳ ಅವಶ್ಯಕತೆ ಇತ್ತು. ಸ್ಟ್ರೈಕ್​ನಲ್ಲಿ ಗೇಮ್ ಫಿನಿಶರ್ ಖ್ಯಾತಿಯ ಧೋನಿ ಇದ್ದರೆ, ನಾನ್ ಸ್ಟ್ರೈಕ್​ನಲ್ಲಿ ಸ್ಫೋಟಕ ಅರ್ಧಶತಕ ಸಿಡಿಸಿದ್ದ ಜಡೇಜಾ ಇದ್ದರು. ಇಂತಹ ಸ್ಫೋಟಕ ದಾಂಡಿಗರಿದ್ದರೂ ಚೆನ್ನೈ ತಂಡಕ್ಕೆ ಗೆಲುವು ಸಿಗಲಿಲ್ಲ. ಇದೇ ರೀತಿಯ ಪ್ರದರ್ಶನವನ್ನು ಕಳೆದ ಸೀಸನ್​ನಲ್ಲೂ ಇದೇ ಸಿಎಸ್​ಕೆ ವಿರುದ್ಧ ಯಶ್ ದಯಾಳ್ ನೀಡಿದ್ದರು.

  ಕಳೆದ ಸೀಸನ್​ ಮ್ಯಾಚ್​ನಲ್ಲೂ ಧೋನಿ ಹಾಗೂ ಜಡೇಜಾ ಕ್ರೀಸ್​ನಲ್ಲಿದ್ದರೂ 17 ರನ್​ಗಳ ಗುರಿಯನ್ನು ಈ ಇಬ್ಬರು ದಾಂಡಿಗರಿಗೆ ಬೆನ್ನಟ್ಟಲು ಸಾಧ್ಯವಾಗಲಿಲ್ಲ. ಒಂದು ಸಮಯದಲ್ಲಿ 5 ಎಸೆತಗಳಲ್ಲಿ 5 ಸಿಕ್ಸರ್ ಹೊಡಿಸಿಕೊಂಡು ವೃತ್ತಿಜೀವನಕ್ಕೆ ಕುತ್ತು ತಂದುಕೊಂಡಿದ್ದ ಯಶ್ ದಯಾಳ್ ಇದೀಗ ಆರ್​ಸಿಬಿ ಪಾಲಿನ ಆಪತ್ಭಾಂದವರಾಗಿದ್ದಾರೆ. ದಯಾಳ್ ಅವರ ಈ ರೀತಿಯ ಬದಲಾವಣೆಗೆ ಕೊಹ್ಲಿಯೇ ಕಾರಣರೆಂದು ಅವರ ತಂದೆ ಹೇಳಿಕೊಂಡಿದ್ದಾರೆ.