ಶ್ರೀಲಂಕಾ ಪಂದ್ಯಕ್ಕಿಂತಲೂ ಮುನ್ನವೇ ನನ್ನ ನಿವೃತ್ತಿ ಬಯಸಿದ್ದರು - ಧೋನಿ ಖಡಕ್ ಮಾತು

•   Sat, Jul 06 2019 05:55:44 PM



• ಲೀಡ್ಸ್,ಜು 06 (Daijiworld News/MSP): ಏಕದಿನ ವಿಶ್ವಕಪ್ -2019 ಬಳಿಕ ಭಾರತದ ತಂಡದ ಹಿರಿಯ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಲಿದ್ದಾರೆ ಎಂದು ಸಾಕಷ್ಟು ವರದಿಯಾಗಿತ್ತು. ಇದರೊಂದಿಗೆ ಇಂಗ್ಲೆಂಡ್ ಪಂದ್ಯದಲ್ಲಿ ಭಾರತ ಸೋತ ಬಗ್ಗೆ ಹಾಗೂ ಧೋನಿಯ ನಡೆಯ ಬಗ್ಗೆ ಮಾಜಿ ಕ್ರಿಕೆಟ್ ತಾರೆಗಳಾದ ಸಚಿನ್ ತೆಂಡೂಲ್ಕರ್ ಹಾಗೂ ಸೌರವ್ ಗಂಗೂಲಿ ಬೊಟ್ಟು ಮಾಡಿ ಮಾತನಾಡಿದ್ದರು.

  

  ಈ ಎಲ್ಲಾ ವಿಚಾರವಾಗಿ ಮೌನ ಮುರಿದಿರುವ ಧೋನಿ, "ನಾನು ಯಾವಾಗ ನಿವೃತ್ತಿಯಾಗಲಿದ್ದೇನೆ ಎಂದು ನನಗೆ ತಿಳಿದಿಲ್ಲ. ಆದರೆ ಬಹಳ ಜನ ಇಂದು ನಡೆಯುವ ಶ್ರೀಲಂಕಾ ಪಂದ್ಯಕ್ಕಿಂತಲೂ ಮುನ್ನವೇ  ನಾನು ನಿವೃತ್ತಿಯಾಗಲು ಬಯಸಿದ್ದರು" ಎಂದು ಖಡಕ್ ಆಗಿ ಪ್ರತಿಕ್ರಿಯಿಸಿದ್ದಾರೆ.

  ಪ್ರಸ್ತುತ ನಡೆಯುತ್ತಿರುವ ವಿಶ್ವಕಪ್‌ನಲ್ಲಿ ನಿಧಾನಗತಿಯ ಬ್ಯಾಟಿಂಗ್ ಬಗ್ಗೆ ಧೋನಿ ಸಾಕಷ್ಟು ಟೀಕೆಗಳನ್ನು ಎದುರಿಸಿದ್ದರು. ಅಲ್ಲದೆ ಆರಂಭಿಕ ಪಂದ್ಯಗಳಲ್ಲಿ ವಿಕೆಟ್ ಕೀಪಿಂಗ್ ಸಹ ಉತ್ತಮ ಮಟ್ಟದಲ್ಲಿರಲಿಲ್ಲ ಎಂಬ ಆರೋಪ ಧೋನಿ ವಿರುದ್ದ ಕೇಳಿಬಂದಿತ್ತು.