ವಿಶ್ವ ಅಪ್ಪಂದಿರ ದಿನದಂದು ತಂದೆಗೆ ದುಬಾರಿ ಉಡುಗೊರೆ ನೀಡಿದ ಯಶಸ್ವಿ ಜೈಸ್ವಾಲ್

•   Mon, Jun 22 2026 06:49:39 PM



• ಮುಂಬೈ, ಜೂ. 22 (DaijiworldNews/AK): ಟೀಂ ಇಂಡಿಯಾದ ಯುವ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ವಿಶ್ವ ಅಪ್ಪಂದಿರ ದಿನದಂದು ತಮ್ಮ ತಂದೆಗೆ ಕೋಟಿ ಮೌಲ್ಯದ ಕಾರೊಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ.

  ಅಫ್ಘಾನಿಸ್ತಾನ ವಿರುದ್ಧದ ಏಕದಿನ ಸರಣಿಯನ್ನು ಮುಗಿಸಿ ಮನೆಗೆ ಮರಳಿದ್ದ ಜೈಸ್ವಾಲ್, ತಮ್ಮ ತಂದೆಗೆ ಈ ವಿಶೇಷ ದಿನದಂದು ಐಷಾರಾಮಿ SUV Mercedes-Benz GLS ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ.

  ಈ ಐಷಾರಾಮಿ ಕಾರಿನ ಆರಂಭಿಕ ಎಕ್ಸ್-ಶೋರೂಂ ಬೆಲೆ ಸುಮಾರು 1.32 ಕೋಟಿಯಾಗಿದ್ದು, ಇದೀಗ ಈ ಕಾರು ಕೂಡ ಜೈಸ್ವಾಲ್ ಅವರ ಕಾರುಗಳ ಸಂಗ್ರಹಕ್ಕೆ ಸೇರ್ಪಡೆಗೊಂಡಿದೆ. ಬಡತನದಲ್ಲೇ ಮಗನ ಆಸೆಗೆ ನೀರೇರೆದು ಆತನನ್ನು ಪ್ರತಿಭಾನ್ವೀತ ಕ್ರಿಕೆಟಿಗನಾಗಿ ಮಾಡಿದ ತಂದೆಗೆ ಜೈಸ್ವಾಲ್ ನೀಡಿರುವ ಉಡುಗೊರೆಗೆ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

  
  ಯಶಸ್ವಿ ಜೈಸ್ವಾಲ್ ಅವರ ಅಣ್ಣ ತೇಜಸ್ವಿ ಜೈಸ್ವಾಲ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.