ಸಾನಿಯಾ ಮಿರ್ಜಾ ತಂಗಿಯನ್ನು ವರಿಸಲಿರುವ ಅಜರುದ್ದೀನ್ ಪುತ್ರ

•   Mon, Oct 07 2019 05:05:52 PM



• ಹೈದರಾಬಾದ್, ಅ 7 (Daijiworld News/RD): ಭಾರತದ ಖ್ಯಾತ ಟೆನ್ನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಸಹೋದರಿ ಆನಮ್, ಭಾರತದ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮೊಹಮ್ಮದ್‌ ಅಜರುದ್ದೀನ್‌ ಪುತ್ರ ಅಸಾದ್‌ ಅಜರುದ್ದೀನ್‌ ಅವರನ್ನು ವರಿಸಲಿದ್ದಾರೆ.

  

  ಆನಮ್ ಸುಂದರ ಯುವಕನನ್ನು ಮದುವೆಯಾಗುತ್ತಿದ್ದಾಳೆ. ಅವನ ಹೆಸರು ಅಸದ್. ಮತ್ತು ಅವನು ಮೊಹಮ್ಮದ್ ಅಜರುದ್ದೀನ್ ಮಗ. ನಾವು ತುಂಬಾ ಖುಷಿಯಾಗಿದ್ದೇವೆ ಎಂದು ಸಾನಿಯಾ ಪೋಸ್ಟ್ ಮಾಡಿದ್ದಾರೆ.

  ಆನಮ್ ಮತ್ತು ಅಸದ್ ಮದುವೆ ಡಿಸೆಂಬರ್ ನಲ್ಲಿ ನಡೆಯಲಿದ್ದು, ಫ್ಯಾಶನ್‌ ಸ್ಟೈಲಿಸ್ಟ್‌ ಆಗಿರುವ ಆನಂ ಮಿರ್ಜಾ ಪ್ಯಾರಿಸ್‌ ಟ್ರಿಪ್‌ನಲ್ಲಿದ್ದಾಗ ಆಜಾದ್‌ ಅಜರುದ್ದೀನ್‌ ಜೊತೆ ಪರಿಚಯವಾಗಿತ್ತು. ಇದೀಗ ತನ್ನ ಸಹೋದರಿಯ ಮರು ವಿವಾಹವಾಗುವ ಸುದ್ದಿಯನ್ನು ಸಾನಿಯಾ ಮಿರ್ಜಾ ಸಾಮಾಜಿಕ ಜಾಲಾತಾಣದಲ್ಲಿ ಪೋಸ್ಟ್ ಮಾಡಿ ಸಂತಸ ವ್ಯಕ್ತಪಡಿಸಿದ್ದಾರೆ.

  ಆನಂ ಮಿರ್ಜಾಗೆ ಇದು ಎರಡನೇ ಮದುವೆಯಾಗಿದ್ದು 2018ರಲ್ಲಿ ಮೊದಲ ಪತಿ ಅಕ್ಬರ್‌ ರಶೀದ್‌ ಅವರಿಂದ ವಿಚ್ಛೇಧನ ಪಡೆದುಕೊಂಡಿದ್ದರು. ಈ ಹಿಂದೆಯೇ ಸಾನಿಯಾ ತಂಗಿ ಹಾಗೂ ಅಜರುದ್ದೀನ್ ಮಗನ ನಡುವಣ ಡೇಟಿಂಗ್ ಸುದ್ದಿಗಳು ಬಂದಿದ್ದವು. ಇದೀಗ ವಿವಾಹದ ಸುದ್ದಿಯನ್ನು ಸಾನಿಯಾ ಖಚಿತಪಡಿಸಿದ್ದಾರೆ.