ಬೆಂಗಳೂರು: ಇಂದು ಪ್ರೋ ಕಬಡ್ಡಿ ಸೆಮಿಫೈನಲ್

•   Wed, Oct 16 2019 06:53:03 PM



• ಬೆಂಗಳೂರು, ಅ 16 (DaijiworldNews/SM): ಪ್ರೋ ಕಬಡ್ಡಿ 2019ರ ಸೀಸನ್ ಮುಕ್ತಾಯದ ಹಂತಕ್ಕೆ ತಲುಪಿದೆ. ನಾಲ್ಕು ತಂಡಗಳ ಮಧ್ಯೆ ಇಂದು ನಿರ್ಣಾಯಕ ಪಂದ್ಯಗಳು ನಡೆಯಲಿದೆ. ಈ ಬಾರಿಯ ಫೈನಲ್ ಪಂದ್ಯದಲ್ಲಿ ಯಾವ ತಂಡಗಳು ಫೈಟ್ ಮಾಡಲಿವೆ ಎನ್ನುವ ನಿರೀಕ್ಷೆಗಳು ಎಲ್ಲರಲ್ಲಿ ಮನೆ ಮಾಡಿದೆ.

  

  ಮೊದಲ ಸೆಮಿಸ್ ನಲ್ಲಿ ಬೆಂಗಳೂರು ಬುಲ್ಸ್ ತಂಡ ಹಾಗೂ ದಬಂಗ್ ದೆಹಲಿ ತಂಡ ಸೆಣಸಾಡಲಿವೆ. ಈಗಾಗಲೇ ದಬಂಗ್ ದೆಹಲಿ ತಂಡ ೨೨ ಪಂದ್ಯಗಳ ಪೈಕಿ 15 ಪಂದ್ಯಗಳನ್ನು ಗೆದ್ದುಕೊಂಡಿದ್ದು, 85 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ಇನ್ನು ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ತಂಡವನ್ನು ಯು ಮುಂಬಾ ಎದುರಿಸಲಿದೆ. ಎರಡನೇ ಪಂದ್ಯ ಕೂಡ ಉಭಯ ತಂಡಗಳಿಗೆ ನಿರ್ಣಾಯಕವೆನಿಸಲಿದೆ.

  ಇನ್ನು ಇಂದು ನಡೆಯುವ ಸೆಮಿಫೈನಲ್ ಪಂದ್ಯದಲ್ಲಿ ದೆಹಲಿ ಹಾಗೂ ಬೆಂಗಾಲ್ ತಂಡಗಳು ಈ ಬಾರಿಯ ಫೈನಲ್ ಗೆ ಎಂಟ್ರಿ ಪಡೆಯಲಿದೆ ಎಂದು ಹೆಳಲಾಗುತ್ತಿದೆ. ಲೀಗ್ ಹಂತದಲ್ಲಿ ಈ ಎರಡು ತಂದಗಳು ಫೇವರೇಟ್ ತಂಡಗಳಾಗಿ ಗುರುತಿಸಿಕೊಂಡು, ಉತ್ತಮ ಪ್ರದರ್ಶನವನ್ನು ಕೂಡ ನೀಡಿವೆ. ಈ ಹಿನ್ನೆಲೆಯಲ್ಲಿ ಈ ತಂಡಗಳ ಮೇಲೆ ನಿರೀಕ್ಷೆಗಳು ಹೆಚ್ಚಾಗಿವೆ.