ಒಂದೇ ಕೈಯಲ್ಲಿ ರೋಚಕ ಕ್ಯಾಚ್ ಹಿಡಿದ ಹರ್ಮನ್ ಪ್ರೀತ್ ಕೌರ್

•   Sat, Nov 02 2019 06:01:00 PM



• ಬೆಂಗಳೂರು, ನ 2 (Daijiworld News/MB):ವೆಸ್ಟ್​ ಇಂಡೀಸ್ ನಲ್ಲಿ ನಡೆದ ಏಕದಿನ ಸರಣಿ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ನ ಸ್ಟಾಫನಿ ಟೇಲರ್ ನ ಶತಕಕ್ಕೆ ಭಾರತದ ಆಟಗಾರ್ತಿ ಹರ್ಮನ್ ಪ್ರೀತ್ ಕೌರ್ ತಡೆಯಾಗಿ ರೋಚಕ ಕ್ಯಾಚ್ ಹಿಡಿದ ವಿಡಿಯೋ ವೈರಲ್ ಆಗಿದೆ.

  

  ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ವೆಸ್ಟ್​ ಇಂಡೀಸ್ ನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಕೇವಲ ಒಂದು ರನ್ ಹಿನ್ನಡೆಯಿಂದಾಗಿ ಭಾರತ ಸೋಲುಂಡಿತು. ಆದರೆ ಹರ್ಮನ್ ಮೇಲಕ್ಕೆ ಜಿಗಿದು ಕೇವಲ ಒಂದು ಕೈಯಿಂದ ಕ್ಯಾಚ್ ಹಿಡಿಯುವುದರ ಮುಖಾಂತರ ಟೇಲರ್ ಗೆ ಆಗುತ್ತಿದ್ದ ಶತಕವನ್ನು ತಪ್ಪಿಸಿದ್ದಾರೆ.

  
  ವೆಸ್ಟ್ ಇಂಡೀಸ್ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡು 50 ಓವರ್​ಗೆ 7 ವಿಕೆಟ್ ಕಳೆದುಕೊಂಡು 225ರನ್ ಬಾರಿಸಿತು. ಅದ್ಭುತ ಪ್ರದರ್ಶನ ನೀಡಿದ ಟೇಲರ್ ತಂಡದ ರನ್ನನ್ನು 200ಕ್ಕೆ ದಾಟಿಸಿದರು. ಕೊನೆಯ ಓವರ್ ನಲ್ಲಿ ಆರು ರನ್ ಗಳ ಅವಶ್ಯಕತೆ ಇತ್ತು.ಅದಕ್ಕಾಗಿ ಟೇಲರ್ ಸಿಕ್ಸ್ ಬಾರಿಸಿದರು. ಆದರೆ ಹರ್ಮನ್ ಒಂದು ಕೈಯಲ್ಲಿ ಕ್ಯಾಚ್ ಹಿಡಿದು, ಸಿಕ್ಸ್ ತಪ್ಪಿಸಿ ಔಟ್ ಮಾಡಿದ್ದಾರೆ.