ಮುಂಬೈ: ಕೊರೊನಾ ಎಫೆಕ್ಟ್-ಬಿಸಿಸಿಐ ಕಚೇರಿಗೂ ಬೀಗ

•   Tue, Mar 17 2020 10:14:44 PM



• ಮುಂಬೈ, ಮಾ 17(DaijiworldNews/SM): ಕೊರೊನಾ ಎಫೆಕ್ಟ್ ಎಷ್ಟರ ಮಟ್ಟಿಗೆ ಭೀತಿ ಹೆಚ್ಚುತ್ತಿದೆ ಎಂದ್ರೆ ಜನ ಸಾರ್ವಜನಿಕ ಪ್ರದೇಶಕ್ಕೂ ತೆರಳಲು ಭೀತಿ ಪಡುತ್ತಿದ್ದಾರೆ. ಈ ನಡುವೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ ಬೀಗ ಜಡಿಯಲಾಗಿದೆ.

  

  ಮಂಗಳವಾರದಿಂದ ಕಚೇರಿಗೆ ಬೀಗ ಹಾಕಲಾಗಿದ್ದು,ಸಿಬ್ಬಂದಿಗೆ ಮನೆಯಿಂದಲೇ ಕೆಲಸ ಮಾಡುವಂತೆ ಸೂಚಿಸಲಾಗಿದೆ. ವೈರಸ್ ಭೀತಿ ಇರುವ ಕಾರಣದಿಂದ ಮುಂದಿನ ಆದೇಶದ ತನಕ ಸಿಬ್ಬಂದಿಗಳು ಮನೆಯಿಂದಲೇ ಕೆಲಸ ನಿರ್ವಹಿಸಬೇಕಾಗಿದೆ.

  ಈಗಾಗಲೇ ಕೊರೋನಾ ಭೀತಿ ಹಿನ್ನೆಲೆಯಲ್ಲಿ ಬಿಸಿಸಿಐ ಐಪಿಎಲ್ 2020 ಟೂರ್ನಿಯನ್ನು ಮುಂದೂಡಿದೆ. ಇದರ ಜೊತೆಗೆ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿ ಮತ್ತು ದೇಶೀಯ ಟೂರ್ನಿಗಳನ್ನು ಕೂಡ ರದ್ದು ಮಾಡಿದೆ.