ದುಬೈ: ಟಿ20 ವಿಶ್ವಕಪ್‌ ಗೆ ತಟ್ಟದ ಕೊರೊನಾ ಎಫೆಕ್ಟ್ - ನಿಗದಿಯಂತೆ ನಡೆಯಲಿದೆ ಟಿ20 ವಿಶ್ವಕಪ್‌

•   Mon, Apr 06 2020 11:26:04 PM



• ದುಬೈ, ಏ 06 (DaijiworldNews/SM): ಕೊರೊನಾ ಮಹಾಮಾರಿ ದೇಶ ಸೇರಿದಂತೆ ವಿಶ್ವದೆಲ್ಲೆಡೆ ಹಲವು ಕ್ರೀಡಾ ಟೂರ್ನಿಗಳು ಮುಂದೂಡಲ್ಪಟ್ಟಿದ್ದು, ಕೆಲವು ರದ್ದಾಗಿವೆ. ಈ ನಡುವೆ ಸಾಕಷ್ಟು ಕುತೂಹಲವನ್ನುಂಟು ಮಾಡಿದ್ದ ಐಸಿಸಿ ಟಿ20 ನಿಗದಿಯಂತೆ ನಡೆಯುವ ಸಾಧ್ಯತೆ ಇದೆ.

  

  ಇದೇ ವರ್ಷ ಅಕ್ಟೋಬರ್‌ನಲ್ಲಿ ನಿಗದಿಪಡಿಸಿರುವಂತೆ 2020ರ ಐಸಿಸಿ ಟಿ20 ವಿಶ್ವಕಪ್‌ ಜರುಗಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಟಿ-20 ವಿಶ್ವಕಪ್ ಸರಣಿಯಲ್ಲಿ ಯಾವುದೇ ಬದಲಾವಣೆ ಇರದು ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ ಸ್ಪಷ್ಟಪಡಿಸಿದೆ.

  ಈಗಾಗಲೇ ಕೊರೊನಾ ಮಹಾಮಾರಿ ಐಪಿಎಲ್ ಟೂರ್ನಿ ಸೇರಿದಂತೆ ಅಂತಾರಾಷ್ಟ್ರೀಯ ಹಲವು ಟೂರ್ನಿಗಳು ಹಾಗೂ ಸರಣಿಗಳನ್ನು ರದ್ದಾಗುವಂತೆ ಮಾಡಿದೆ. ಕೊರೊನಾ ನಿಯಂತ್ರಣಕ್ಕೆ ವಿಶ್ವವೇ ಹೋರಾಟ ನಡೆಸುತ್ತಿದೆ. ಈ ನಡುವೆ ಟಿ20 ಗೆಲ್ಲಲು ಅಕ್ಟೋಬರ್ ನಲ್ಲಿ ನಿಗದಿಯಂತೆ ಕದನ ನಡೆಯಲಿದೆ.

  ಇದೇ ವರ್ಷ ಅಕ್ಟೋಬರ್‌ನಲ್ಲಿ ಆಸ್ಟ್ರೇಲಿಯಾದಲ್ಲಿ ಟಿ20 ವಿಶ್ವಕಪ್‌ ನಡೆಸಲು ಸಿದ್ಧತೆ ನಡೆಸಲಾಗಿತ್ತು. ಆದರೆ, ಇದೇ ಸಂದರ್ಭದಲ್ಲಿ ಕೊರೊನಾ ವೈರಸ್ ಜಗತ್ತಿನ ನಿದ್ದೆಗೆಡಿಸುವಂತೆ ಮಾಡಿದೆ. ಇದರಿಂದ ಐಸಿಸಿ ಟಿ-20 ಸರಣಿ ರದ್ದುಗೊಳ್ಳಲಿದೆ ಎಂದು ಹೇಳಲಾಗಿತ್ತು. ಆದರೆ, ಇದೀಗ ಅದಕ್ಕೆ ತೆರೆಬಿದ್ದಿದೆ.