ನವದೆಹಲಿ: ರೋಹಿತ್ ಹಿಟ್ ಮ್ಯಾನ್ ಆಗಲು ಧೋನಿ ಕಾರಣ-ಗಂಭೀರ್‍

•   Sun, May 03 2020 11:01:20 PM



• ನವದೆಹಲಿ, ಮೇ 03 (DaijiworldNews/SM): ಎಲ್ಲಾ ಮಾದರಿಯ ಕ್ರಿಕೆಟ್ ನಲ್ಲಿ ರೋಹಿತ್ ಶರ್ಮಾ ಮಿಂಚುತ್ತಿದ್ದಾರೆ. ಕೆಲವು ಕಾಲದ ಅಂತರದಲ್ಲೇ ರೋಹಿತ್ ಶರ್ಮಾ ಹಿರೋ ಎನಿಸಿಕೊಂಡಿದ್ದಾರೆ. ಅವರ ಈ ಸಾಧನೆಯ ಹಿಂದೆ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಪ್ರಮುಖ ಪಾತ್ರವಿದೆ ಎಂದು ಮಾಜಿ ಕ್ರಿಕೆಟಿಗ ಹಾಗೂ ಸಂಸದ ಗೌತಮ್ ಗಂಭೀರ್ ಹೇಳಿದ್ದಾರೆ.

  

  2007ರಲ್ಲಿ ಕ್ರಿಕೆಟ್ ಗೆ ಪಾದಾರ್ಪಣೆ ಮಾಡಿದಾಗಿನಿಂದಲೂ ಸ್ಥಿರತೆಯ ಸಮಸ್ಯೆಯಿಂದಾಗಿ ರೋಹಿತ್ ಶರ್ಮಾ ಪರದಾಡುತ್ತಿದ್ದರು. ಆದರೆ, ರೋಹಿತ್ ಒಳಗೆ ಇರುವ ಪ್ರತಿಭೆಯನ್ನು ಗಮನಿಸಿದ ಆ ಸಂದರ್ಭ ನಾಯಕನಾಗಿದ್ದ ಎಂಎಸ್ ಧೋನಿ 2013ರಲ್ಲಿ ಆರಂಭಿಕ ಬ್ಯಾಟ್ಸ್ ಮನ್ ಆಗಿ ಕಣಕ್ಕಿಳಿಸಿದರು. ಇದೇ ರೋಹಿತ್ ಅವರ ದಿಕ್ಕನ್ನೇ ಬದಲಾಯಿಸಿತು. ಎಲ್ಲಾ ಮಾದರಿಯ ಕ್ರಿಕೆಟ್ ನಲ್ಲೂ ರೋಹಿತ್ ಹೊಡಿ ಬಡಿ ಪ್ರದರ್ಶನದ ಮೂಲಕ ಹಿಟ್ ಮ್ಯಾನ್ ಎನಿಸಿಕೊಂಡರು.

  ರೋಹಿತ್ ಶರ್ಮಾ ಆರಂಭಿಕರಾಗಿ ಕಣಕ್ಕಿಳಿಯಲು ಹಾಗೂ ಹಿಟ್ ಮ್ಯಾನ್ ಆಗಿ ಮಿಂಚಲು ಎಂ.ಎಸ್. ಧೋನಿಯೇ ಕಾರಣ ಎಂದು ಗೌತಮ್ ಗಂಭೀರ್ ಹೇಳಿದ್ದಾರೆ.