ನವದೆಹಲಿ: ಆಸಿಸ್ ನೆಲದಲ್ಲಿ ಗೆದ್ದಿರುವ ಎರಡೂ ಅನುಭವಗಳು ಅವಿಸ್ಮರಣೀಯ-ರವಿಶಾಸ್ತ್ರಿ

•   Wed, May 06 2020 10:15:41 PM



• ನವದೆಹಲಿ, ಮೇ 06 (DaijiworldNews/SM): ಭಾರತದ ಪುರುಷರ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಪರ ಕೋಚ್ ರವಿಶಾಸ್ತ್ರಿ ಬ್ಯಾಟ್ ಬೀಸಿದ್ದಾರೆ. ಆಸ್ಟ್ರೇಲಿಯಾ ಅಂಗಲದಲ್ಲಿ ಕೊಹ್ಲಿ ನೇತೃತ್ವದಲ್ಲಿ ಈ ಹಿಂದೆ ಕಪ್ ಗೆದ್ದಿರುವ ತಂಡಕ್ಕೆ ಯಾವುದೇ ತಂಡ ಪೈಪೋಟಿ ನೀಡಲು ಸಾಧ್ಯವಿಲ್ಲ ಎಂದಿದ್ದಾರೆ.

  

  1985 ರ ವಿಶ್ವ ಚಾಂಪಿಯನ್ ಭಾರತೀಯ ತಂಡ ಹಾಗೂ 2018/19 ರಲ್ಲಿ ಆಸ್ಟ್ರೇಲಿಯಾದಲ್ಲಿ ಟೆಸ್ಟ್ ಸರಣಿ ಗೆದ್ದ ವಿರಾಟ್ ಕೊಹ್ಲಿ ನೇತೃತ್ವದ ತಂಡವನ್ನು ಶಾಸ್ತ್ರಿಯವರು ಹತ್ತಿರದಿಂದಲೇ ನೋಡಿದವರು. ಒಂದು ತಂಡದಲ್ಲಿ ಆಟವಾಡಿದ್ದರೆ, ಮತ್ತೊಂದು ತಂಡದಲ್ಲಿ ಕೋಚ್ ಆಗಿದ್ದರು. ಈ ಎರಡು ಅನುಭವಗಳು ಅದ್ಭುತ ಎಂದು ಬಣ್ಣಿಸಿದ್ದಾರೆ.

  1985 ರಲ್ಲಿ ರವಿ ಶಾಸ್ತ್ರಿ ಸುನಿಲ್ ಗವಾಸ್ಕರ್ ನೇತೃತ್ವದ ತಂಡದ ಸದಸ್ಯನಾಗಿದ್ದರು. ವಿರಾಟ್ ಕೋಹ್ಲಿ ತಂಡ ಆಸ್ಟ್ರೇಲಿಯಾ ವಿರುದ್ಧ ಐತಿಹಾಸಿಕ ಟೆಸ್ಟ್ ಸರಣಿ ಗೆದ್ದಾಗ ಭಾರತೀಯ ತಂಡದ ಕೋಚ್ ಆಗಿದ್ದರು. ಈ ಎರಡು ತಂಡಗಳೊಂದಿಗೆ ಉತ್ತಮ ಅನುಭವವನ್ನು ಸಂಪಾದಿಸಿದ್ದೇನೆ. ಸುಮಾರು 71 ವರ್ಷಗಳ ಬಳಿಕ ಆಸಿಸ್ ತಂಡವನ್ನು ಟೀಂ ಇಂಡಿಯಾ ಮಣಿಸಿದೆ. 1985 ರ ತಂಡವನ್ನು ಯಾರಿಂದಲೂ ಮಣಿಸಲು ಅಸಾಧ್ಯ. ಆದರೆ, ಮತ್ತೆ ಆಸಿಸ್ ನೆಲದಲ್ಲಿ ಭಾರತದ ತಿರಂಗ ಏರಿಸಿದ ಕೊಹ್ಲಿ ಬಳಗದ ಸಾಧನೆಯನ್ನು ಮುರಿಯಲು 1985 ರ ತಂಡದಿಂದಲೂ ಆಸಾಧ್ಯ ಎಂದಿದ್ದಾರೆ.