ವಿರಾಟ್‌ಗೆ ನೀರುದೋಸೆ ಮಾಡಿಕೊಟ್ಟ ಮಂಗಳೂರು ಮೂಲದ ಮಹಿಳೆ - ಕೊಹ್ಲಿ ಹೇಳಿದ್ದೇನು?

•   Wed, Jul 08 2020 04:38:15 PM



• ಮುಂಬೈ, ಜು. 08 (DaijiworldNews/MB) : ಮಂಗಳೂರು ಮೂಲದ ಮಹಿಳೆ ಮಾಡಿಕೊಟ್ಟ ನೀರುದೋಸೆ ತಿಂದು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಖುಷ್‌ ಆಗಿದ್ದು ಈ ಬಗ್ಗೆ ಟ್ವೀಟ್‌ ಮಾಡಿ ಸಂತಸ ವ್ಯಕ್ತಪಡಿಸಿದ್ದಾರೆ. ಅಷ್ಟಕ್ಕೂ ನೀರುದೋಸೆ ಮಾಡಿಕೊಟ್ಟ ಈ ಮಂಗಳೂರು ಮೂಲದ ಮಹಿಳೆ ಬೇರೆ ಯಾರು ಅಲ್ಲ. ಬ್ಯಾಟ್ಸ್​ಮನ್ ಶ್ರೇಯಸ್ ಅಯ್ಯರ್ ಅವರ ತಾಯಿ ರೋಹಿಣಿ ಅಯ್ಯರ್.

  

  ನೀರು ದೋಸೆಯ ರುಚಿಯ ಬಗ್ಗೆ ಟ್ವೀಟ್‌ ಮಾಡಿರುವ ವಿರಾಟ್‌ ಕೊಹ್ಲಿ, ನಮ್ಮಿಂದ 500 ಮೀ ದೂರದಲ್ಲಿ ವಾಸಿಸುವ ನೆರೆಮನೆಯವರು ನಮ್ಮ ಮನೆಗೆ ದೋಸೆಗಳನ್ನು ತಂದು ಕೊಟ್ಟು ನಗುವಂತೆ ಮಾಡಿದರು. ನಿಮ್ಮ ತಾಯಿಗೆ ಧನ್ಯವಾದಗಳು. ನಾವು ದೀರ್ಘಕಾಲದಿಂದ ಇಂತಹ ರುಚಿಕರವಾದ ದೋಸೆಗಳನ್ನು ಸವಿದಿರಲಿಲ್ಲ. ನಾವು ಕಳುಹಿಸಿದ ಮಶ್ರೂಮ್ ಬಿರಿಯಾನಿಯನ್ನು ನೀವು ಆನಂದಿಸಿದ್ದೀರಿ ಎಂದು ಭಾವಿಸುತ್ತೇವೆ. ಒಳ್ಳೆಯ ಮನುಷ್ಯ ಶ್ರೇಯಸ್ ಅಯ್ಯರ್ ಎಂದು ತಿಳಿಸಿದ್ದಾರೆ.

  ಬ್ಯಾಟ್ಸ್​ಮನ್ ಶ್ರೇಯಸ್ ಅಯ್ಯರ್ ಅವರ ತಾಯಿ ರೋಹಿಣಿ ಅಯ್ಯರ್ ಮಂಗಳೂರು ಮೂಲದವರಾಗಿದ್ದು ಅವರು ಮಾಡಿಕೊಟ್ಟ ನೀರುದೋಸೆಯನ್ನು ವಿರಾಟ್ ಕೊಹ್ಲಿ ಮನೆಗೆ ಶ್ರೇಯಸ್ ಅಯ್ಯರ್ ತಂದು ಕೊಟ್ಟಿದ್ದಾರೆ.

  ಇನ್ನು ಮಂಗಳೂರಿನ ನೀರುದೋಸೆಯ ರುಚಿ ಮೆಚ್ಚಿ ಕೊಹ್ಲಿ ಮಾಡಿದ ಟ್ವೀಟ್‌ಗೆ ಹಲವರು ಕಾಮೆಂಟ್‌ ಮಾಡಿ ತಾವು ಕೂಡಾ ನೀರುದೋಸೆ ಸವಿಯುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.

  A kind neighbour who lives 500 m away from us brought us some home made neer dosas and made us smile. A big Thank you to your mom amigo we haven't had such delicious dosas for a longgg time. Hope you enjoyed the mushroom biriyani we sent back. 😃 Good man @ShreyasIyer15 pic.twitter.com/NywJAhvQ3G

  — Virat Kohli (@imVkohli) July 8, 2020