ನವದೆಹಲಿ: ಎಡಗೈ ಆಟಗಾರರಿಗೆ ಗೌರವ ಸಲ್ಲಿಸಿದ ಹಿರಿಯ ಆಟಗಾರ ಯುವರಾಜ್ ಸಿಂಗ್

•   Thu, Aug 13 2020 10:19:53 PM



• ನವದೆಹಲಿ, ಆ. 13 (DaijiworldNews/SM): ಕ್ರಿಕೆಟ್ ಜಗತ್ತು ಕಂಡ ಶ್ರೇಷ್ಟ ಎಡಗೈ ಆಟಗಾರರಿಗೆ ಭಾರತ ತಂಡದ ಹಿರಿಯ ಮಾಜಿ ಆಟಗಾರ ಯುವರಾಜ್ ಸಿಂಗ್ ಗೌರವ ಸಲ್ಲಿಸಿದ್ದಾರೆ. ಅಂತರರಾಷ್ಟ್ರೀಯ ಎಡಚರರ ದಿನದ ಹಿನ್ನೆಲೆಯಲ್ಲಿ ಎಡಗೈ ಕ್ರಿಕೆಟಿಗರಿಗೆ ಯುವರಾಜ್ ಗೌರವಿಸಿದ್ದಾರೆ.

  

  "ಕ್ರಿಕೆಟ್ ನಲ್ಲಿನ ಕೆಲ ಶ್ರೇಷ್ಠ ಎಡಗೈ ಬ್ಯಾಟ್ಸ್‌ಮನ್ ಗಳಿಗೆ ನನ್ನ ಗೌರವ ಸೂಚನೆ ಸಲ್ಲಿಸುತ್ತಿದ್ದೇನೆ. ಕೆಲವು ಪ್ರಮುಖ ಹಿರಿಯ ಆಟಗಾರರ ಫೋಟೋಗಳನ್ನು ತನ್ನ ಖಾತೆಗೆ ಸೇರಿಸಿದ್ದು, ಈ ಗೋಲ್ಡನ್ ಲಿಸ್ಟ್ ಗೆ ನಿಮ್ಮ ನೆಚ್ಚಿನ ಎಡಗೈ ಬ್ಯಾಟ್ಸ್‌ಮನ್ ಗಳ ಹೆಸರು ಸೇರಿಸಿ ನನ್ನೊಡನೆ ಹಂಚಿಕೊಳ್ಳಿ ಎಂಬುವುದಾಗಿ ಯುವರಾಜ್ ಇನ್ ಸ್ಟಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

  ಯುವರಾಜ್ ಸ್ವತಃ ಎಡಗೈಬ್ಯಾಟ್ಸ್‌ಮನ್ ಆಗಿದ್ದುಕೊಂಡು ಟೀಂ ಇಂಡಿಯಾದ ಹಲವು ಗೆಲುವುಗಳಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. 2000ದಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ಪದರ್ಪಣೆ ಮಾಡಿ, 2017ರಲ್ಲಿ ಏಕದಿನ ಕ್ರಿಕೆಟ್ ನಿಂದ ನಿವೃತ್ತಿ ಹೊಂದಿದ್ದರು. ಅಲ್ಲದೆ, 2019 ರ ಜೂನ್‌ನಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಿದ್ದರು.