ಅಬುಧಾಬಿ: ಸ್ಮಿತ್, ಸ್ಯಾಮ್ಸನ್ ಅಬ್ಬರಕ್ಕೆ ಮಂಕಾದ ಚೆನ್ನೈ-ರಾಜಸ್ತಾನ್ ರಾಯಲ್ಸ್ ಗೆ 17 ರನ್ ಗಳ ಜಯ

•   Tue, Sep 22 2020 11:34:52 PM



• ಅಬುಧಾಬಿ, ಸೆ. 22 (DaijiworldNews/SM): ಹದಿಮೂರನೇ ಆವೃತ್ತಿಯ ರಾಜಸ್ತಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ಶರಣಾಗಿದೆ. ಭರ್ಜರಿ ಮೊತ್ತ ಪೇರಿಸಿದ್ದ ರಾಯಲ್ಸ್ ತಂಡ ಹದಿನೇಳು ರನ್ ಗಳಿಂದ ಪಂದ್ಯ ಗೆದ್ದುಕೊಂಡಿದೆ.

  

  ಟಾಸ್ ಸೋತು ಬ್ಯಾಟಿಂಗ್ ಆಯ್ದುಕೊಂಡ ರಾಜಸ್ಥಾನ್ ತಂಡ ಚೆನ್ನೈಗೆ ಗೆಲ್ಲಲು 217 ರನ್ ಗಳ ಬೃಹತ್ ಮೊತ್ತ ಗುರಿ ನೀಡಿತು. ರಾಜಸ್ಥಾನ ತಂಡದ ಪರ ಸ್ಟೀವನ್ ಸ್ಮಿತ್ ಹಾಗೂ ಸ್ಯಾಮ್ಸನ್ ಅಬ್ಬರದ ಆಟ ಪ್ರದರ್ಶಿಸಿದರು.

  47 ಎಸೆತ ಎದುರಿಸಿದ ಸ್ಟೀವನ್ ಸ್ಮಿತ್ 4 ಬೌಂಡರಿ ಹಾಗೂ 4 ಪ್ರಚಂಡ ಸಿಕ್ಸರ್ ಗಳ ನೆರವಿನಿಂದ 69 ರನ್ ಸಿಡಿಸಿದರೆ, ಸ್ಯಾಮ್ಸನ್ ಸಿಕ್ಸರ್ ಗಳ ಮಳೆ ಸುರಿಸಿದರು. ಕೇವಲ 32 ಎಸೆತಗಳಾನ್ನು ಎದುರಿಸಿದ ಅವರು, 1 ಬೌಂಡರಿ ಹಾಗೂ 9ಭರ್ಜರಿ ಸಿಕ್ಸರ್ ಗಳ ನೆರವಿನಿಂದ 74 ರನ್ ಗಳಿಸಿದರು. ಅಂತಿಮ ಓವರ್ ಆಡಿದ ಭರ್ಜರಿ ಬ್ಯಾಟಿಂಗ್ ಮೂಲಕ 8 ಎಸೆತಗಳಲ್ಲಿ 4 ಸಿಕ್ಸರ್ ಸಹಿತ 27 ರನ್ ಸಿಡಿಸಿದರು. ಅಂತಿಮವಾಗಿ 20 ಓವರ್ ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 216 ರನ್ ಗಳಿಸಿ 217 ರನ್ ಗಳ ಬೃಹತ್ ರನ್ ಗುರಿ ನೀಡಿತು.

  ಗುರಿ ಬೆನ್ನತ್ತಿದ ಚೆನ್ನೈ ತಂಡದ ಪರ ಮುರಳಿ ವಿಜಯ್ 21 ರನ್ ಗಳಿಸಿದರೆ, ವಾಟ್ಸನ್ 33 ರನ್ ಗಳಿಸಿದರು. ಫಾಪ್ ಡ್ಯುಪ್ಲೆಸಿಸ್ 7 ಸಿಕ್ಸರ್ ನೆರವಿನಿಂದ 72 ರನ್ ಗಳಿಸಿ ತಂಡಕ್ಕೆ ನೆರವಾದರು. ಕೇದರ್ ಜಾದವ್ 22 ರನ್ ಸಿಡಿಸಿದರೆ, ಅಂತಿಮ ಓವರ್ ನಲ್ಲಿ ನಾಯಕ ಧೋನಿ ಅಬ್ಬರಿಸಿದರು. ಭರ್ಜರಿ ಮೂರು ಸಿಕ್ಸರ್ ಸಹಿತ ಹದಿನೇಳು ಎಸೆತಗಳಲ್ಲಿ 29 ರನ್ ಗಳಿಸಿದರು. ಅಂತಿಮವಾಗಿ ಚೆನ್ನೈ ತಂಡ 20 ಓವರ್ ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ 200 ರನ್ ಗಳಿಸಿ 16 ರನ್ ಗಳ ಸೋಲೊಪ್ಪಿಕೊಂಡಿತು.

  ಇನ್ನು ಬೌಲಿಂಗ್ ವಿಭಾಗದಲ್ಲಿ ರಾಜಸ್ಥಾನ ಪರ ರಾಹುಲ್ ಮೂರು ವಿಕೆಟ್ ಪಡೆದರೆ, ಗೋಪಾಲ್, ಆರ್ಚರ್, ಕರಣ್ ತಲಾ ಒಂದೊಂದು ವಿಕೆಟ್ ಪಡೆದರು. ಚೆನ್ನೈ ಪರ ಸ್ಯಾಮ್ ಕರಣ್ ಮೂರು ವಿಕೆಟ್ ಪಡೆದರು.