ಅಬುಧಾಬಿ: ಚೆನ್ನೈ ತಂಡಕ್ಕೆ 176 ರನ್ ಗಳ ಸವಾಲು ನೀಡಿದ ಡೆಲ್ಲಿ

•   Fri, Sep 25 2020 09:14:33 PM



• ಅಬುಧಾಬಿ, ಸೆ. 25 (DaijiworldNews/SM): ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಗೆಲ್ಲಲ್ಲು ಡೆಲ್ಲಿ ತಂಡ 176 ರನ್ ಗಳ ಗುರಿ ನೀಡಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಗೆ ಇಳಿಯಲ್ಪಟ್ಟ ಡೆಲ್ಲಿ ನಿಗಧಿತ ಇಪ್ಪತ್ತು ಓವರ್ ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 175 ರನ್ ಗಳಿಸಿತು. ಡೆಲ್ಲಿ ಕ್ಯಾಪಿಟಲ್ಸ್ ಪರ ಪೃಥ್ವಿ ಶಾ 43 ಎಸೆತಗಳನ್ನು ಎದುರಿಸಿ 9 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 64 ರನ್ ಸಿಡಿಸಿದರು. ಇನ್ನು 27 ಎಸೆತಗಳನ್ನು ಎದುರಿಸಿದ ಶಿಖರ್ ಧವನ್ 3 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 35 ರನ್ ಸಿಡಿಸಿದರು.

  ವಿಕೆಟ್ ಕೀಪರ್ ರಿಷಬ್ ಪಂತ್ 25 ಎಸೆತಗಳಲ್ಲಿ 6 ಬೌಂಡರಿಯ ನೆರವಿನಿಂದ 37 ರನ್ ಸಿಡಿಸಿದರು. ಇನ್ನು ನಾಯಕ ಶ್ರೇಯಸ್ ಐಯ್ಯರ್ 22 ಎಸೆತಗಳಲ್ಲಿ 26 ರನ್ ಪೇರಿಸಿದರು. ಅಂತಿಮವಾಗಿ ಡೆಲ್ಲಿ ತಂಡ ಇಪ್ಪತ್ತು ಓವರ್ ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು 175 ರನ್ ಗಳಿಸಿತು. 

  ಇನ್ನು ಚೆನ್ನೈ ಪರ ಪಿಯೂಷ್ ಚಾವ್ಲಾ ಎರಡು ವಿಕೆಟ್ ಪಡೆದರೆ, ಕರಣ್ ಒಂದು ವಿಕೆಟ್ ಪಡೆದರು.